Вы тут

Конкурс майстроў ганчарства адбыўся ў Івянцы


Свята “Гліняны звон” адбылося ўжо ў восьмы раз.


Невялікі Івянец быў абраны местам правядзення сустрэчы незвычайных, па сучасных мерках, майстроў нездарма: тут спакон вякоў выраблялі традыцыйны гліняны посуд. Менавіта таму ў ганчарстве з’явілася нават цэлая івянецкая школа.

На фестываль былі запрошаны вядомыя ўмельцы глінянай справы – члены Беларускага Саюза майстроў народнай творчасці, творцы-керамісты і пачынальнікі - гаршкалепы з Любанскага, Слуцкага, Салігорскага, Нясвіжскага, Вілейскага, Стаўбцоўскага, Клецкага, Мінскага і Валожынскага раёнаў. Свята ахвотна падтрымалі і ганчары з іншых абласцей -- Шаркаўшчынскага, Баранавіцкага і Глускага раёнаў.

Цэнтральнай падзеяй на “Гліняным звоне” стаў конкурс на самы прыгожы і вытанчаны посуд, зроблены на ганчарным крузе. А гэта традыцыйныя збанкі, гарлачыкі, місы, гаршкі. Спаборнічалі паміж сабой і ўмельцы па мастацкай пластыцы. Конкурснае журы вызначыла шмат цікавых прац, якія за вызначаны час паспелі падрыхтаваць удзельнікі незвычайнай алімпіяды.

Удзельнічалі ў конкурсе і дасведчаныя ганчары Мікалай Стрэльчанка і Іван Раманчук з Лагойска, і малады майстар Мікіта Мафееня з Любані; кіраўнік школы мастацтваў з Івянца Леанарда Капуста і ўдзельнікі дзіцячага заслужанага калектыва “Скарбонка” з Салігорска пад кіраўніцтвам Мікалая Пратасені; трацыдыйны ганчар з вёскі Калюга Глускага раёна Дзмітрый Каптур і маладая керамістка Вольга Грэцкая з Салігорска.

Музычную афарбоўку святу надаваў вясёлы канцэрт калектываў песеннай творчасці Валожынскага раёна. Сярод іх былі гарманіст Станіслаў Пупко з вёскі Раднікі і вядомы фальклорны гурт “Гасцінец” з Ракава.  

 

Свята ганчарных званароў адбываецца толькі адзін раз на два гады, так што ў наступны раз майстры ганчарнай справы сабяруцца толькі ў 2018 годзе. 

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.