19 Верасень, серада

Вы тут

Юрый Гарадзецкі прыме ўдзел у тэлевізійным праекце «Вялікая опера»


Ужо ў верасні ў тэлевізійным праекце «Вялікая опера» мы будзем перажываць за беларускага тэнара Юрыя Гарадзецкага. Два гады таму ў такой жа ролі мы назіралі беларуса Ілью Сільчукова, які дайшоў да фіналу і заняў трэцяе месца.


Восенню і зімой нас чакаюць 11 незабыўных выпускаў праграмы на расійскім тэлеканале «Культура», а 24 снежня ўбачым грандыёзны фінал, дзе, ёсць спадзяванне, прыме ўдзел і беларускі артыст. На гала-канцэрт, што пройдзе на сцэне Маскоўскай кансерваторыі, будуць запрошаны ўсе ўдзельнікі праекта.

Арганізатары «Вялікай оперы» гэтым разам паспрабавалі ахапіць усе тэатры на постсавецкай прасторы, таму даслалі запрашэнні ў многія нацыянальныя оперы. У тым ліку і ў Вялікі тэатр Беларусі. Тут вырашылі, што ўдзельнікам ад нашай краіны будзе Гарадзецкі.

— А што мне заставалася? Толькі пагадзіцца, — каментуе з усмешкай Юрый. — Для мяне ўдзел у праграме — забаўка, як і любы падобны тэлевізійны праект. Але гэта вельмі добрае і якаснае шоу, якое толькі папулярызуе опернае мастацтва. Ну і, вядома, прыносіць папулярнасць усім яго ўдзельнікам. Безу-
моўна, у першую чаргу я патэлефанаваў Ільі Сільчукову. Ён быў на гастролях у Францыі, парадаваўся за мяне і параіў: «Нават не думай — удзельнічай!» І даў некалькі парад. Парэкамендаваў «не мудраваць» і браць толькі вядомыя творы. Мне ўжо даслалі тэмы праграм: тут і руская/савецкая опера, і італьянская класіка, і рамансы, і праграмы, прысвечаныя Галіне Вішнеўскай, Джузэпэ Вердзі, Пятру Чайкоўскаму... Думаю, што ж узяць для перадачы, тэма якой — «Візітная картка»?..  Ніводзін мой канцэрт яшчэ не абыходзіўся без раманса Немарына з «Любоўнага напою» Даніцэці. А з арыяй Ленскага з «Яўгена Анегіна» Чайкоўскага я дэбютаваў у тэатры 10 гадоў таму. Так што выбіраць ёсць з чаго. Галоўныя мае хваляванні звязаныя менавіта з тым, што ўрэшце на нейкіх творах трэба будзе спыніцца...

Хоць сам Юрый не строіць вялікіх планаў, не думае, ці пераможа ў гэтым праекце, мы зычым тэнару Вялікага тэатра Беларусі ўдачы!

Алена ДРАПКО

drapko@zviazda.by

Загаловак у газеце: Юрый Гарадзецкі ў «Вялікай оперы»

Дадаць каментар

Выбар рэдакцыі

Грамадства

Якім чынам можа праяўляцца адзінота?

Якім чынам можа праяўляцца адзінота?

Адзінота і асабліва адзінота ў сям'і — рэальная прыкмета нашага часу.

Грамадства

Усё, што трэба ведаць пра замяшчальную гарманальную тэрапію

Усё, што трэба ведаць пра замяшчальную гарманальную тэрапію

Лішняя вага, бяссонніца, прылівы, парушэнні ціску і астэапароз — далёка не ўсе праявы, якія падпільноўваюць жанчыну ў пэўным узросце. 

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.