Вы тут

У музеі Петруся Броўкі адкрылася выстаўка, прысвечаная Алаізе Пашкевіч


У межах экспазіцыі «Апосталка беларускага адраджэння», прымеркаванай да 140-годдзя Алаізы Пашкевіч, якая ў пачатку ХХ стагоддзя ўвайшла ў беларускую паэзію, прозу, публіцыстыку пад псеўданімам Цётка, прадстаўлены кнігі, дакументы, рэчы і фотаздымкі з фондаў Дзяржаўнага музея гісторыі беларускай літаратуры. Большая іх частка паступіла ў музей у канцы 1990-х гадоў дзякуючы Лідзіі Арабей, даследчыцы і пісьменніцы, якая шмат гадоў займалася вывучэннем жыцця і творчасці Цёткі.


Свят­ла­на Ку­ра­ко­ва рас­каз­вае пра ўні­каль­ны га­бе­лен кан­ца ХІХ ст. з до­ма Па­шке­ві­чаў.

— Экспазіцыю можна ўмоўна падзяліць на тры часткі, — распавядае куратарка выстаўкі, навуковая супрацоўніца музея гісторыі беларускай літаратуры Святлана Куракова. — Першая — біграфічная, праз дакументы і фотаздымкі расказвае пра Алаізу Пашкевіч, станаўленне яе асобы. Тут ёсць копія дакумента з касцёла, дзе яна была хрышчаная; лісты з Львоўскага ўніверсітэта, дзе вучылася; пасведчанне пра тое, што будучая пісьменніца скончыла курсы па польскай літаратуры; фотаздымкі маці і сястры Алаізы Пашкевіч.

На выстаўцы можна пабачыць і своеасаблівы сямейны альбом Цёткі — ён некалі быў складзены Лідзіяй Арабей. Тут прадстаўленыя фотаздымкі родных пісьменніцы. Адзін з найкаштоўнейшых рарытэтаў экспазіцыі — габелен канца ХІХ ст., што некалі вісеў у доме сям'і Пашкевічаў.

Другая частка выстаўкі распавядае пра літаратурную працу Цёткі. Можна пабачыць арыгінальныя выданні зборнікаў «Скрыпка беларуская» і «Хрэст на свабоду», выдадзеныя ў 1906 годзе, а таксама «Першае чытанне для дзетак беларусаў». Ёсць і кнігі выбраных твораў паэткі, выдадзеныя ўжо пасля яе смерці.

У экс­па­зі­цыі мож­на па­ба­чыць ся­мей­ны аль­бом Цёт­кі.

Трэцяя частка прысвечана сучаснай інтэрпрэтацыі жыццёвага і творчага шляху Цёткі: тут размясціліся матэрыялы Лідзіі Арабей і Валянціны Коўтун, якія займаліся даследаваннем творчасці пісьменніцы, рукапісы вершаў-прысвячэнняў ёй. Гэта аўтографы твораў Рыгора Барадуліна, Алеся Разанава, Дануты Бічэль. Тут таксама змешчаны ілюстрацыі да твораў Цёткі, выкананыя Міколам Купавам і Анатолем Волкавым.

Адметна, што на базе выстаўкі «Апосталка беларускага адраджэння» праходзяць заняткі для дзяцей. Музейныя супрацоўнікі расказваюць пра жыццё і творчасць Цёткі, знаёмяць з яе дзіцячымі творамі, а таксама прапануюць маленькім наведвальнікам выступіць у ролі акцёраў і ілюстратараў — прачытаць казку «Чапля і журавель» з «Першага чытання для дзетак беларусаў» і намаляваць да яе ілюстрацыі.

Марына ВЕСЯЛУХА

vesіaluha@zvіazda.by

Фота Анатоля КЛЕШЧУКА

Загаловак у газеце: Класік з правінцыі

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.