Вы тут

Прэзідэнт падтрымаў стратэгію Банка развіцця на 2016—2020 гады


Прэзідэнт Аляксандр Лукашэнка падтрымаў стратэгію Банка развіцця на 2016—2020 гады, паведаміў журналістам старшыня праўлення Банка развіцця Сяргей Румас пасля даклада кіраўніку дзяржавы, перадае карэспандэнт БЕЛТА.


Сяргей Румас расказаў, што Банк развіцця выканаў сваю першую стратэгію на 2013—2015 гады і Прэзідэнту было сёння падрабязна даложана аб выкананні ўсіх ключавых паказчыкаў. «Мы сёння завяршаем работу над новай стратэгіяй, таму было неабходна абмеркаваць з кіраўніком дзяржавы новыя функцыі, якія будуць у Банка развіцця, звязаныя з яго ўсё больш узрастаючай роляй у эканоміцы Беларусі, — адзначыў старшыня праўлення банка. — Прэзідэнт згадзіўся з падыходамі, якія былі мной прапанаваны. І сёння гэтыя прапановы будуць унесены ўжо ў праект новай стратэгіі, якая ў чацвер будзе разгледжана на пасяджэнні наглядальнага савета Банка развіцця».

Сяргей Румас дадаў, што цяпер ідзе работа над удакладненнем мандата Банка развіцця, які сёння вызначаны адзіным каардынатарам пры крэдытаванні дзяржпраграм. «Усе новыя праекты, якія дзяржава плануе фінансаваць, будуць фінансавацца выключна Банкам развіцця і ў пераважнай большасці на конкурснай аснове. Адпаведна, гэта патрабуе замацавання ў нашай стратэгіі і змянення алгарытму работы з дзяржаўнымі органамі і прадпрыемствамі», — растлумачыў Сяргей Румас.

Загаловак у газеце: Новыя функцыі Банка развіцця

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.