Вы тут

«Маёмасць павінна прыносіць даход»


У Магілёве паспрабавалі знайсці новыя падыходы ў пытаннях больш эфектыўнага выкарыстоўвання гарадской маёмасці.


Гэтая тэма стала галоўнай падчас пасяджэння Савета па ўзаемадзеянні органаў мясцовага самакіравання пры Савеце Рэспублікі Нацыянальнага сходу Рэспублікі Беларусь на чале са старшынёй Савета Рэспублікі Міхаілам Мясніковічам. Перад тым як абмеркаваць работу мясцовых органаў улады па ўключэнні ў гаспадарчы абарот аб'ектаў, якія недастаткова эфектыўна выкарыстоўваліся былымі ўласнікамі, удзельнікі азнаёміліся з практычным бокам гэтай справы. Яны наведалі прадпрыемствы «Протас», «СТЛ Экструзія». Адно размясцілася на тэрыторыі былога вайсковага гарадка, другое — на базе незавершанага будаўніцтва. На абодвух створаны новыя працоўныя месцы, выпускаецца запатрабаваная прадукцыя. Напрыклад, прадпрыемства «СТЛ Экструзія» сёння ўваходзіць у пяцёрку наймацнейшых на постсавецкай прасторы, працуе як для ўнутранага рынку, так і на экспарт. Гэтыя прыклады радуюць, але ёсць яшчэ рэзервы.

— Пакуль мы гаворым аб уцягванні ў гаспадарчы абарот тых аб'ектаў, якія маюць адасобленае назначэнне — недабудаваныя, казармы, склады і гэтак далей, — адзначыў Міхаіл Мясніковіч. — Мы ж павінны глядзець не толькі на гэтыя адасобленыя аб'екты, але і на тое, што знаходзіцца ва ўласнасці ўнітарных прадпрыемстваў і акцыянерных таварыстваў. Іншымі словамі, на дзейных прадпрыемствах — прамысловых, сельскагаспадарчых і іншых вельмі шмат вытворчых магутнасцяў і плошчаў, якія невыкарыстоўваюцца. Іх можна перадаць новым уласнікам, аптымізаваць пад існуючыя праграмы. Неабходна ў большай ступені разбірацца з дзяржаўнымі прадпрыемствамі, якія працуюць са стратай або з нізкай рэнтабельнасцю.

На пасяджэнні абмеркавалі праблемы, якія перашкаджаюць больш эфектыўнаму выкарыстанню дзяржаўнай маёмасці, разам шукалі новыя падыходы. Сумесна з Міністэрствам юстыцыі і Дзяржкаммаёмасці будуць прапрацоўвацца адпаведныя законапраекты для таго, каб павысіць эфектыўнасць дзяржаўнай маёмасці, якая знаходзіцца ў падпарадкаванні акцыянерных таварыстваў і ўнітарных прадпрыемстваў.

— Я лічу, нам ёсць што запазычыць і паглядзець у расіян, асабліва тое, што датычыцца адказнасці акцыянераў за эфектыўнае выкарыстанне маёмасці, якая знаходзіцца ў іх падпарадкаванні, і стабільнай працы калектыву, — выказаў думку Міхаіл Мясніковіч.

Удзельнікі пасяджэння таксама абмеркавалі пытанне аб актывізацыі дзейнасці мясцовых Саветаў дэпутатаў па пашырэнні супрацоўніцтва паміж рэгіёнамі Беларусі і Расіі. Старшыня Савета Рэспублікі звярнуў увагу на тое, каб гэтыя сувязі не абмяжоўваліся аднымі культурнымі праектамі, але былі і камерцыйныя кантракты.

— У гэтым сэнсе мяне радуе актыўная работа Магілёўскага аблсавета па наладжванні прамых кантактаў і паглыбленні эканамічнага і сацыяльна-культурнага супрацоўніцтва з Бранскай вобласцю. Гэты вопыт можна рэкамендаваць іншым аблсаветам. Ужо ў першай дэкадзе жніўня плануецца правядзенне рэгіянальнага вялікага форуму Магілёўскай і Бранскай абласцей.

— Якія ўражанні засталіся ў вас ад наведвання Магілёўскай вобласці? — пацікавілася напрыканцы пасяджэння карэспандэнт «Звязды».

— Калі я ехаў сюды, у мяне было прадчуванне, што тут збавілі тэмпы, і вельмі рады, што памыляўся. Тут сапраўды дагледжаныя вуліцы, выдатныя палеткі, узорны парадак, а галоўнае — ёсць імкненне кіраўнікоў гарадскіх і раённых Саветаў, выканкамаў выканаць не толькі тое, што даручана, а ініцыяваць новыя цікавыя праекты па развіцці прамысловасці, уключэнні ў гаспадарчы абарот недзяржаўнага сектара, стварэнні працоўных месцаў.

«Наступнае дастаткова важнае пытанне, якое патрабуе ўвагі з боку Савета па ўзаемадзеянні з органамі мясцовага кіравання і самакіравання — гэта ўдасканаленне зямельных адносін, — дадаў спікер верхняй палаты беларускага парламента.

Нэлі ЗІГУЛЯ

zigulya@zviazda.by

Фота БЕЛТА

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.