А палове шостай гадзіны раніцы сталічным ратавальнікам патэлефанаваў усхваляваны жыхар сталіцы. Паводле слоў заяўніка, з вентыляцыі яго кватэры чуюцца хрыпы і стогны.
Работнікі МНС выехалі на ўказаны адрас па праспекце газеты «Звязда». На месцы ратавальнікі ўстанавілі, што грамадзянін 1948 года нараджэння, які пражываў у кватэры на шостым паверсе гэтага дома, самастойна праводзіў работы па перапланіроўцы вентыляцыйнага канала ў сваім жыллі. Ранкам пенсіянер упаў у шахту да ўзроўню першага паверха. У які дакладна час адбылося падзенне, устанавіць немагчыма, паколькі выявіў пацярпелага па яго стогнах і хрыпах жыхар першага паверха дома, што прачнуўся ад гэтага і пазваніў у 101. Работнікі МНС дасталі з шахты мужчыну ў непрытомным стане. Медыкі, нягледзячы на рэанімацыйныя мерапрыемствы, мусілі амаль у сем гадзін раніцы канстатаваць смерць пенсіянера.
Сяргей РАСОЛЬКА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
