У галерэі Расійскага цэнтра навукі і культуры ў Мінску 25 ліпеня адкрылася выстава «Жыццё Канстанціна Сіманава ў фотаздымках з сямейных архіваў».
Фотаздымкі экспазіцыі розных гадоў распавядаюць аб франтавых дарогах вядомага пісьменніка, паэта, кінасцэнарыста, пра яго шматгранную пасляваенную грамадскую дзейнасць.
Пра вайну, якую ён бачыў на ўласныя вочы, Канстанцін Міхайлавіч пісаў усё жыццё. Асаблівыя адносіны звязвалі яго з Беларуссю. Сіманаў пісаў: «Я не быў салдатам, быў усяго толькі карэспандэнтам, аднак у мяне ёсць кавалачак зямлі, які мне век не забыць, - поле пад Магілёвам, дзе я ўпершыню ў ліпені 1941 года бачыў, як нашы на працягу аднаго дня падбілі і спалілі 39 нямецкіх танкаў ... ». Менавіта пра гэта ён напісаў у рамане «Жывыя і мёртвыя». Абаронцы беларускага горада на Дняпры сталі для Сіманава эталонам сапраўднай мужнасці.
Паводле завяшчання прах Канстанціна Сіманава быў развеяны над тым самым Буйніцкім полем пад Магілёвам.
Выстава будзе адкрыта для наведвальнікаў да 20 жніўня.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
