Вы тут

Чым небяспечны інтэрнэт для дзяцей?


Прывітанне, сябры!


Вельмі не хацелася б быць гэткім сухім маралізатарам, бурчлівым артадоксам, але магутная сусветная пляткарня, якой сёння з’яўляецца інтэрнэт , часта падкідвае такія навіны, што проста дзіву даешся, як лёгка давесці людзей да масавай экзальтацыі, да дзіўных і незразумелых дзеянняў.

І невыпадкова, што сёння ў свеце многія страшныя рэчы робяцца менавіта пад уздзеяннем на людскую свядомасць буйнейшага вынаходства тысячагоддзя – інтэрнэту.

Вось і новая гульня ў Пакемон Гоў так даводзіць людзей, што яны пачынаюць блытаць рэальнасць і адэкватна ўспрымаць наваколле.

Калі з наркотыкамі і п’янствам чалавецтва ўсё ж такі змагаецца і знайшло пэўнае супрацьдзеянне, то супрацьстаяць масавай атруце , якую тчэ і сее сусветнае павуцінне, куды цяжэй.

І самае страшнае, што ў гэты віртуальны свет абсалютна легальна ўцягваюцца дзеці амаль з ясельнага ўзросту. Я асабіста ведаю не адзін выпадак, калі маладыя мамы, каб накарміць дзіця, ставяць перад ім смартфон і ўключаюць якую-небудзь гульню ці мульцік, і заварожанае малое машынальна глытае паднесеную ў лажцы да роту кашку.

- Ну ладна, толькі чуць-чуць, толькі адзін разочак, - на наступную мальбу малога, які ўжо прывык не садзіцца есці без любімай забавы, гавораць маладыя бацькі і сцвярджаюць аптымістычна, што прывыкання да інтэрнэт-забаў не дапусцяць.

Ды хто ведае, што будзе, калі малое падрасце і навучыцца самастойна карыстацца прыладамі.

А тое, што падобнае ўзбраенне, прыходзіць да юных вельмі рана, не раз заўважаў, калі бачыў у 10-11- гадовых хлопчыкаў і дзяўчынак у руках наварочаныя мабільныя прылады, якіх няма нават у куды больш дарослых людзей, для якіх гэта не столькі гульня, а неабходнасць.

Дык што рабіць? Сіла захаплення і прывычкі куды мацнейшая за ўсе ўгаворы і разважанні. І я тым больш не ведаю цудадзейных рэцэптаў.

Але мне здаецца, што думаць над гэтым трэба. І супрацьстаяць масаваму псіхозу тымі ж самымі сродкамі інтэрнэту, ствараючы сайты і старонкі, якія нясуць дабрыню і спагаду, сеюць разумнае, добрае, вечнае.

І хоць усе спробы змагацца з насіллем, маной , агрэсіяй у сеціве адразу выклікаюць лямант аб парушэнні правоў чалавека, усё ж ставіць заслон нядобрасумленным і злачынным спробам выкарыстаць дасягненне прагрэсу на зло чалавецтву.

І, безумоўна, больш увагі ўдзяляць таму, як у рэальным свеце прапанаваць чалавеку дастойныя і цікавыя заняткі і гульні. І мачымасцяў тут процьма.

А тым шукальнікам пакемонаў, якія, пераблытаўшы рэальнае з віртуальным сустрэнуць рэальныя праблемы і непрыемнасці, можна толькі паспачуваць.

Арыгінал матэрыяла на сайце радыё "Беларусь"

Дадаць каментар

Выбар рэдакцыі

Грамадства

Як мультымедыйныя тэхналогіі матывуюць вучняў?

Як мультымедыйныя тэхналогіі матывуюць вучняў?

29—30 лістапада ў Мінску пройдзе міжнародная спецыялізаваная навукова-тэхнічная выстава-форум «Інфармацыйныя тэхналогіі ў адукацыі» (ІTE-2017). 

Грамадства

Колькі працягнецца «мёртвы» сезон?

Колькі працягнецца «мёртвы» сезон?

Што стрымлівае развіццё турыстычна-рэкрэацыйнага парку «Аўгустоўскі канал».

Калейдаскоп

5 фільмаў супраць сезоннай хандры

5 фільмаў супраць сезоннай хандры

Раніца ўжо дыхае ў спіну зімовым холадам.