Вы тут

Беларусь трапіла ў топ-10 краін з самымі высокімі жанчынамі


Прысвечанае росту мужчын і жанчын планеты даследаванне правялі навукоўцы калабарацыі* NCD Rіsk Factor, вынікі якога былі апублікаваны ў часопісе eLіfe.


Найбольш рослыя прадстаўніцы прыгожага полу, сярэдні рост якіх складае каля 170 сантыметраў, пражываюць у Латвіі. Сярод мужчын гэты паказчык максімальны ў жыхароў Нідэрландаў і роўны 183 сантыметрам. Як адзначаюць аўтары даследавання, у 1914 годзе па росце латвійкі займалі 28-е месца, а жыхары Нідэрландаў — 12-е.

Беларускі трапілі ў топ-10, а поўны спіс краін, дзе жывуць самыя высокія жанчыны, выглядае так:

1. Латвія. 2. Нідэрланды. 3. Эстонія. 4. Чэхія. 5. Сербія. 6. Славакія. 7. Данія. 8. Літва. 9. БЕЛАРУСЬ. 10. Украіна.

За перыяд з 1914 па 2014 год сярэдні рост беларускіх жанчын павялічыўся са 154 да 166 сантыметраў. Беларускія ж мужчыны ў першы дзясятак не ўвайшлі, яны — на 22-м месцы з сярэднім ростам 178 см (крыху падраслі ў параўнанні з 1914-м, тады яны займалі 28-е месца з ростам 168 см). Нашы суседзі, украінцы, займаюць прыступку вышэй — 21-е месца (раней — 27-е), а вось расіяне ў гэтай кампаніі самыя нізкія — у іх 42-е месца (раней былі на 35-м). У сярэднім па даследаваных краінах за апошнія 100 гадоў сярэдні рост людзей павялічыўся на 11 сантыметраў. У цяперашні час гэты паказчык для мужчын складае 177,5 сантыметра і 164,4 сантыметра для жанчын. Самыя высокія тэмпы павелічэння росту назіраюцца ў Паўднёвай Карэі і Іране. За апошняе стагоддзе карэйскія жанчыны сталі вышэй на 20 сантыметраў, а іранскія мужчыны — на 16,5 сантыметра. Самыя нізкарослыя мужчыны пражываюць ва Усходнім Тыморы (каля 160 сантыметраў), а жанчыны — у Гватэмале (145 сантыметраў).

Калабарацыя NCD Rіsk Factor, якая займаецца ў тым ліку статыстычным аналізам звестак па неінфекцыйных захворваннях для Сусветнай арганізацыі аховы здароўя, даследавала каля 1,5 тысячы крыніц з больш чым 180 краін свету, выкарыстаны звесткі амаль па 19 млн чалавек. Гэта дазволіла адсачыць змену сярэдняга росту дарослых жыхароў планеты (старэйшых за 18 гадоў) у перыяд з 1914 па 2014 год.

Навукоўцы адзначаюць, што ў далейшым глабальная тэндэнцыя на павелічэнне сярэдняга росту жыхара Зямлі павінна пайсці на спад. Медыкі лічаць, што высокі рост з'яўляецца эвалюцыйнай перавагай, у прыватнасці, з-за зніжэння верагоднасці развіцця сардэчна-сасудзістых захворванняў і звязанага з гэтым павелічэннем працягласці жыцця. Прычынай глабальнага павелічэння сярэдняга росту чалавека навукоўцы называюць павышэнне ўзроўню жыцця.

———————

*Калабарацыя — супрацоўніцтва даследчыкаў, якія належаць да розных лабараторый (унутры адной арганізацыі або паміж некалькімі) або арганізацый (унутры адной краіны або некалькіх).

Загаловак у газеце: Прыгожыя і высокія

Выбар рэдакцыі

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.

Эканоміка

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Пра што абавязкова трэба падумаць перад тым, як браць на сябе фінансавыя абавязацельствы перад банкам?

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.