Велашпацыр па начным Мінску, фестываль авіяцыйнага спорту, паказ кароткаметражнага кіно і новая экспазіцыя ў мастацкім музеі – афіша «Звязды» з 29 ліпеня па 4 жніўня.
Дзе: Палац спорту (пр-т Пераможцаў, 4)
Калі: 29 ліпеня, 22:00
Колькі каштуе: 7 р. – папярэдне, 10 р. – у дзень экскурсіі; студэнтам, пенсіянерам, работнікам культуры – зніжка 20%
Калі вы хочаце скончыць працоўны тыдзень незвычайна, то велашпацыр па начной сталіцы – як раз тое, што трэба.
Калі адна частка Мінска засынае, іншыя вулачкі ахінае коўдра таемнасці і рамантыкі. Якія легенды і загадкі хаваюць яны ад старонніх вачэй? Далучайцеся, каб спазнаць Мінск з новага ракурса.
Збор групы каля выхаду з метро ў бок Палаца спорту. Абавязкова трэба мець велаліхтар!
Дзе: аэрадром «Баравая»
Калі: 30 і 31 ліпеня, 10:00
Колькі каштуе: бясплатна
Фестываль авіяцыйнага спорту пад адкрытым небам #Пранеба пройдзе ўжо ў другі раз.
Самая доўгачаканая частка праграмы – верталётныя гонкі з удзелам лепшых сусветных экіпажаў, а таксама нацыянальны парашутны рэкорд (адразу 40 чалавек збяруць у небе вялікую фігуру).
Акрамя гэтага, для гледачоў рыхтуюцца дэманстрацыйныя палёты, экскурсіі па музеі авіятэхнікі, конкурсы, а таксама фотазоны, дзіцячыя зоны, канцэртная праграма і многае іншае.
Дзе: парк культуры і адпачынку імя Чалюскінцаў (пр-т Незалежнасці, 84/1)
Калі: 30 ліпеня, 11:00 і 12:00
Колькі каштуе: бясплатна
Пачынаем выхадныя актыўна! А каб не было сумна, бярэм з сабой сям'ю альбо сяброў.
У 11:00 адпраўляемся на майстар-клас па фрысбі, на якім вопытны трэнер навучыць асноўным кідкам, пакажа практыкаванні на спрыт, хуткасць і дакладнасць. А пасля правядзе сапраўдную камандную гульню.
А ў 12:00 у парку чакаюць усіх, хто хоча навучыцца правільна бегаць, а таксама даведацца ўсё пра тое, як падрыхтавацца да першых спаборніцтваў па бегу або цэламу марафону. Трэніроўка зойме 1,5 гадзіны і адбудзецца пры любым надвор'і.
Дзе: мемарыяльны музей-майстэрня З. І. Азгура (вул. З. Азгура, 8)
Калі: 31 ліпеня, 12:00
Колькі каштуе: 5 р.; дзецям да 14 гадоў – бясплатна
«Вялікі блышыны рынак», які разгорнецца ў двары музея Азгура, збярэ мноства рэчаў, якія бачылі, як ствараецца гісторыя. Іх будуць выстаўляць людзі, якія і ствараюць гісторыю вакол нас – музыканты і пісьменнікі, мастакі і рэжысёры, акцёры і дызайнеры, фатографы, акцёры і журналісты.
Паралельна ў скульптурным зале на працягу ўсяго дня будуць праходзіць сустрэчы, дзе кожны з удзельнікаў форуму раскажа сваю рэальную гісторыю, а таксама гісторыю адной рэчы, асаблівага артэфакта, унікальнасць якому надае яго лёс.
Апагеем блышынага рынка стане «Аўкцыён Паўсядзённасці», на якім публіцы будзе прапанавана выкупіць тую самую рэч-артэфакт ад кожнага з удзельнікаў.
Сродкі з аўкцыёну адправяцца да рэальных герояў, якія ўсё яшчэ жывуць сярод нас, – ветэранаў вайны.
Дзе: адкрытая прастора «ВЕРХ» (вул. Куйбышава, 22)
Калі: 1 жніўня, 18:00
Колькі каштуе: бясплатна
Пасля прагляду кожнай карціны ў наведвальнікаў будзе магчымасць задаць пытанні рэжысёру і здымачнай групай. Пасля завяршэння кінапаказу госці змогуць застацца, каб паспрабаваць вегетарыянскую ежу і паслухаць жывую музыку.
На мерапрыемства запрошаны беларускія рэжысёры, акцёры, прадзюсары, а таксама ўсе, хто цікавіцца культурай і мастацтвам.
Дзе: Нацыянальны мастацкі музей Рэспублікі Беларусь (вул. Леніна, 20)
Калі: па 29 жніўня з 10:00 да 18:00
Колькі каштуе: удакладняць у касе
28 ліпеня адбылося адкрыццё выставы Мікалая Кузьміча Дубровы «Зямля палеская».
У экспазіцыі прадстаўлена больш за 20 твораў жывапісу ў жанрах пейзажу, партрэта і тэматычнай карціны з калекцыі аўтара.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».