Буйное радовішча калію выяўлена ў правінцыі Цынхай на паўночным захадзе Кітая, перадае агенцтва "Сіньхуа".
Паводле ацэнак экспертаў, багатыя запасы гэтага радовішча дапамогуць змякчыць сітуацыю з дэфіцытам калійнага мінералу ў Кітаі, якая стварае пагрозу харчовай бяспецы краіны.
Як паведамілі ў міністэрстве зямельных і прыродных рэсурсаў КНР, па выніках папярэдняй геалагічнай разведкі ў заходняй частцы Цайдамскай катлавіны выяўлена больш за 156 млн тон хлорыстага калію. Мяркуецца, што яшчэ большыя запасы будуць знойдзены пры правядзенні далейшай выведкі.
Кітай імпартуе каля 70% спажываных калійных соляў. Пры гэтым каля 30 млн га сельгасугоддзяў у краіне маюць патрэбу ў калійных угнаеннях, штогод Кітай увозіць каля 6 млн тон такіх угнаенняў. У I паўгоддзі 2016 года Кітай імпартаваў 3,37 млн тонаў хлоркалію - на 11,2% менш, чым у студзені-чэрвені мінулага года.
У цяперашні час 60% калійных запасаў і вытворчасцей свету прыпадае на Канаду, Расію і Беларусь.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
