Маладая пара прыйшла ў лазневы комплекс, што ў Першамайскім раёне сталіцы. Аплаціўшы ўваходны білет, хлопец і дзяўчына атрымалі спецыяльныя бранзалеты з датчыкамі, з дапамогай якіх можна было скарыстацца паслугамі бара на суму 40 дэнамінаваных рублёў, а пры выхадзе аплаціць суму, якая налічыцца датчыкам.
Наведвальнікі знаходзіліся ў комплексе каля дзвюх гадзін, скарыстаўшыся і паслугамі бара. Папарыўшыся, яны накіраваліся ў купальню. У яе памяшканні малады чалавек цераз акно пакінуў комплекс, выкраўшы бранзалет. Праз некаторы час дзяўчына накіравалася да выхаду. Аддаўшы свой бранзалет, яна сказала, што малады чалавек вырашыў яшчэ трохі адпачыць і выйдзе пазней, расказалі ў Першамайскім РУУС г. Мінска.
Убачыўшы адкрытае акно, ахоўнік западозрыў нядобрае і накіраваўся ў купальню. Прагледзеўшы запісы з камер відэаназірання, ён звярнуўся ў міліцыю. Заказ коштам 38 рублёў 69 капеек быў не аплачаны, таксама быў выкрадзены дарагі бранзалет. Падазраваных — юнака і дзяўчыну на выгляд 16-20 гадоў — цяпер шукаюць.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».