Вы тут

МНС нагадвае: алкаголь — асноўная прычына гібелі на вадзе!


Амаль а сёмай гадзіне раніцы пры кантролі абстаноўкі на акваторыі Цнянскага вадасховішча ў сталіцы работнік цэнтра вадалазна-выратавальнай службы ўбачыў за 250—300 метрах ад берага двух чалавек, якія танулі і прасілі аб дапамозе. Глыбіня ў гэтым месцы была каля 5 метраў.


Да месца здарэння быў накіраваны катар «Прагрэс-2М» з аддзяленнем Цэнтра вадалазна-выратавальнай службы. У выніку работнікамі МНС былі выратаваны два маладыя чалавекі 1997 года нараджэння. Абодва знаходзіліся ў стане алкагольнага ап'янення, атрымалі пераахаладжэнне арганізма. Пасля аказання дапамогі (абаграванне, гарачае пітво) адпушчаныя дадому. У медыцынскай дапамозе патрэбы не мелі.

Суткамі раней падобнае надзвычайнае здарэнне адбылося на пляжы №2 гэтага ж Цнянскага вадасховішча, нагадалі ў Мінскім гарадскім упраўленні МНС. А палове дзявятай гадзіны вечара за 70 метраў ад берага пачалі тануць дзве дзяўчыны. Мінчанак, якім было 22 і 28 гадоў адпаведна, аператыўна выратавалі супрацоўнікі АСВОДа. Пацярпелых шпіталізавалі ў медыцынскія ўстановы з дыягназам «стан пасля ўтаплення, алкагольнае ап'яненне».

МНС чарговы раз нагадвае: алкаголь — асноўная прычына гібелі на вадзе! Купацца пасля распіцця спіртнога катэгарычна забараняецца. Таксама нельга ныраць і скакаць у ваду ў незнаёмых месцах і дазваляць плаваць дзецям без нагляду дарослых.

Сяргей РАСОЛЬКА

Загаловак у газеце: Хлопцы і дзяўчаты танулі па адным «сцэнарыі»

Выбар рэдакцыі

Грамадства

​Як беларускія вучоныя ствараюць умовы для спартыўных перамог

​Як беларускія вучоныя ствараюць умовы для спартыўных перамог

Спартыўныя дасягненні чалавека прыблізна на 75 % залежаць ад яго генетыкі. 

Грамадства

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Ён кожны дзень імкнуўся пераадольваць не менш за сто кіламетраў.