Вы тут

Як і на каго вучыліся замежныя «зоркі»


Аб заходніх знакамітых акцёрах і прадстаўніках шоу-бізнесу вельмі часта мяркуюць па іх ролях у кіно і паводзінах у грамадстве, часта не вельмі станоўчых і культурных, але на самай справе не ўсё так проста. Не заўсёды, так бы мовіць, знешнія фактары знаходзяць пацвярджэнне ва ўнутраным свеце. Па ніжэй паказаных знакамітасцях дакладна не скажаш, што яны дамагліся нейкіх значных поспехаў у адукацыі і навуцы, і тым не менш яны сапраўды разумнейшыя, чым здаюцца.


Наталі Портман

У 1998 годзе, падчас вучобы ў сярэдняй школе, актрыса стала суаўтарам даследчай работы на тэму «ферментатыўная выпрацоўка вадароду», якая дала ёй магчымасць удзельнічаць у навуковых спаборніцтвах Іntel, дзе яна дайшла да паўфіналу. Портман нават прапусціла прэм'еру фільма «Зорныя войны. Эпізод І», у якім сыграла адну з галоўных роляў, каб падрыхтавацца да выпускных іспытаў. У чэрвені 2003 года Наталі стала выпускніцай Гарварда, атрымаўшы ступень бакалаўра ў галіне псіхалогіі.

Роўэн Аткінсан

Вядома ж, смешны і прыдуркаваты Містар Бін — не больш чым экранны вобраз. Але гледзячы на самога Роўэна Аткінсана цяжка паверыць, што ён з'яўляецца дыпламаваным інжынерам — магістрам электратэхнікі. Гэтую ступень ён атрымаў у Ньюкаслскім універсітэце.

Браян Мэй

Брытанскі рок-музыкант, найбольш вядомы як гітарыст гурта «Queen» і аўтар шматлікіх хітоў гэтай групы. Але акрамя ўсяго гэтага, ён з'яўляецца яшчэ і навукоўцам-астрафізікам. Браян падрыхтаваў дысертацыю на атрыманне ступені доктара філасофіі па астранамічных даследаваннях у інфрачырвоным дыяпазоне і меў дзве навуковыя публікацыі па астраноміі, калі поспех «Queen» прымусіў яго перапыніць навуковую кар'еру.

Дэвід Духоўны

Да таго, як будучы «агент Малдэр» захапіўся тэатрам і акцёрствам, ён паспяхова адвучыўся ў аспірантуры Ельскага ўніверсітэта, дзе стаў магістрам англійскай літаратуры і ўжо рыхтаваўся абараняць дысертацыю на ступень доктара філасофіі па тэме «Магія і тэхналогія ў сучаснай паэзіі і прозе».

Сіндзі Кроўфард

Амерыканская супермадэль, актрыса і вядучая MTV. Наогул, лічыцца, што дзяўчыны-мадэлі не вызначаюцца розумам і адукацыяй. Але Сіндзі скончыла старшую школу з высокімі баламі і атрымала акадэмічную стыпендыю ў Паўночна-заходнім універсітэце, дзе вывучала хімічную тэхналогію. Аднак пасля першай чвэрці Сіндзі кінула вучобу, каб засяродзіцца на кар'еры мадэлі.

Дольф Лундгрэн

Яго знешнасць вялізнага, грубага салдата ніяк не вяжацца з наяўнасцю вострага розуму. А між тым Лундгрэн атрымаў ступень магістра хімічнага машынабудавання ў Сіднейскім універсітэце, а таксама стаў стыпендыятам праграмы Фулбрайта Масачусецкага тэхналагічнага інстытута

Загаловак у газеце: А па вас і не скажаш...

Дадаць каментар

Выбар рэдакцыі

Грамадства

Вучоба можа быць у радасць, калі размаўляць з вучнем на адной мове

Вучоба можа быць у радасць, калі размаўляць з вучнем на адной мове

Уявіце сабе сітуацыю: вучань зрабіў у дыктоўцы 20 памылак... 

Калейдаскоп

«Везла сумкі, як падняць, — Сустракаў з вагона зяць...»

«Везла сумкі, як падняць, — Сустракаў з вагона зяць...»

Самае вялікае дасягненне «Звязды» — гэта яе чытачы.

Эканоміка

Горадабудаўнічы пашпарт распрацуюць з улікам магчымых аб'ектаў будаўніцтва

Горадабудаўнічы пашпарт распрацуюць з улікам магчымых аб'ектаў будаўніцтва

Пра гэта гаворыцца ў новай рэдакцыі палажэння аб парадку падрыхтоўкі і выдачы дазвольнай дакументацыі на будаўніцтва аб'ектаў, зацверджанаг

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача.