Амаль апоўначы капыльскім выратавальнікам паступіла паведамленне пра загаранне жылога дома ў вёсцы Садавічы. Калі падраздзяленні МНС прыбылі на месца выкліку, аднапавярховы драўляны жылы дом гарэў адкрытым полымем.
Як паведамілі ў Мінскім абласным упраўленні МНС, да прыезду пажарных сусед праз аконны праём выратаваў гаспадара дома, яго жонку і сына. Мужчына, які знаходзіўся ў гасцях, пры выхадзе з дома атрымаў апёкі. Яго шпіталізавалі. Згодна з папярэднімі звесткамі, напярэдадні пажару выратаваныя і пацярпелы знаходзіліся ў стане алкагольнага ап'янення. У выніку пажару агнём знішчаны дах, жыллё выгарала знутры. Прычына здарэння ўстанаўліваецца. Разглядаецца версія неасцярожнага абыходжання з агнём пры курэнні.
Сяргей РАСОЛЬКА
Мерапрыемства праводзіцца на добраахвотнай аснове.
Не выявіць ні секунды абыякавасці.