На гэтым тыдні па краіне чакаецца пераважна халаднаватае і дажджлівае надвор'е. Яго ўмовы будуць дыктаваць пераважна паветраныя масы з паўночнага захаду Еўропы. Пра гэта паведамілі ў Белгідраметэацэнтры.
Сёння цёплае надвор'е яшчэ не пакіне межы Беларусі. На большай частцы тэрыторыі паветра прагрэецца да плюс 24—30 градусаў. Крыху іншай сітуацыя прагназуецца на паўночным захадзе краіны. Франтальны падзел прынясе туды кароткачасовыя дажджы і навальніцы. З-за іх тэрмометры пакажуць не больш за 21—23 градусы цяпла.
А вось з серады расклад за акном рэзка зменіцца. Франтальны падзел будзе пакрысе перамяшчацца і прынясе разам з дажджамі прыкметную прахалоду ў заходнія і цэнтральныя раёны. Уначы чакаецца плюс 10—17, удзень — 18—25 градусаў. Фарпостам спякоты на гэты дзень застанецца Гомельская вобласць — там «падсмажыць» да плюс 30.
Працягнуць ісці дажджы і ў чацвер. Тэмпература ноччу застанецца ранейшай, а ўдзень стане яшчэ свяжэй — плюс 15—22. І толькі жыхарам паўднёвага ўсходу не давядзецца даставаць курткі: там усё яшчэ сіноптыкі прагназуюць да плюс 29.
Па папярэдніх разліках, да канца тыдня пацяплее на 1—2 градусы.
Валяр'ян ШКЛЕННІК
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
