Па меркаванні Надзвычайнага і Паўнамоцнага Пасла Індыі ў нашай краіне спадара Панкаджа Саксены, гэта цалкам верагодна. Пра тое, на чым грунтуецца гэты прагноз, чаму Індыя цікавіцца беларускімі навуковымі распрацоўкамі і як плануецца адсвяткаваць 25-годдзе ўстанаўлення дыпламатычных адносін паміж Беларуссю і Індыяй, Пасол расказаў напярэдадні Дня Незалежнасці яго краіны, які святкуецца 15 жніўня.
— Пастаўленыя мэты грунтуюцца на тых звестках, якія ёсць, — заявіў спадар Панкадж Саксена, адказваючы на пытанне журналіста пра аб'ём тавараабароту. — І абодва бакі ведаюць, што такой сумы можна дасягнуць. Гэта цалкам верагодна. Таму Індыя і запрашае Беларусь да ўдзелу ў сваіх праграмах.
У прыватнасці дыпламат згадаў праграму «Make іn Іndіa».
— Магу сказаць, што Беларусь уваходзіць у спіс 25 краін, якія ўрад Індыі вызначыў да ўдзелу ў сваіх праграмах, — паведаміў пасол. — Беларускі ўрад цяпер вывучае магчымасць удзелу ў гэтай праграме. Праграма «Make іn Іndіa» ўключае ў сябе і абмен тэхналогіямі. Беларусь увайшла ў гэты спіс, таму што яна ў Індыі вядома па сваіх навукова-тэхнічных, машынабудаўнічых, абаронных распрацоўках.
Дыпламат патлумачыў, што гэты «спіс-25» паказвае, вопыт якіх краін асабліва цікавы Індыі з пункту гледжання тэхналогій.
* * *
Гаворачы пра супрацоўніцтва Індыі і Еўразійскага эканамічнага саюза, спадар Панкадж Саксена паведаміў: Індыя зацікаўлена ў падпісанні дагавора аб свабодным гандлі з ЕАЭС.
— Створана сумесная рабочая група па гэтым пытанні. Нядаўна ў Санкт-Пецярбургу прайшло адно пасяджэнне гэтай групы. Натуральна, у абмеркаванні ўдзельнічае і Беларусь, і мы цэнім вашу падтрымку. Мы ведаем, што беларускі бок жадае падпісаць дагавор у найкарацейшы тэрмін. Але, як правіла, падрыхтоўка такіх дагавораў займае пэўны час: ёсць вельмі шмат пунктаў, якія трэба ўзгадніць, — адзначыў ён.
* * *
Адказваючы на пытанне аб культурным супрацоўніцтве, пасол Індыі з задавальненнем канстатаваў: у Беларусі ведаюць, паважаюць і любяць індыйскую культуру, філасофію. Па яго інфармацыі, за мінулы год пасольства выдала 8 тысяч віз нашым грамадзянам, прычым прыкладна 6 тысяч з іх жадалі наведаць Індыю з турыстычнымі мэтамі.
Спадар Панкадж Саксена звярнуў увагу і на той факт, што ўжо ў 2017 годзе беларуска-індыйскім дыпламатычным адносінам споўніцца 25 гадоў. Ён паабяцаў запрасіць на гэтае свята вядомую індыйскую групу.
Надзея ЮШКЕВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
