24 Верасень, панядзелак

Вы тут

«Сын — мая любімая фотамадэль»


Гэты здымак нам даслаў тата 2-гадовага Давіда. Іван Барысаў жыве ў Жлобіне і працуе на Беларускім металургічным заводзе. У вольны час любіць фатаграфаваць. «Я ўжо даўно захапляюся фота. А сын і жонка — мае самыя любімыя фотамадэлі. Наш Давід — гэта маленькі метэор: як і большасць дзяцей, хоча ўсё паспрабаваць, памацаць і практычна ніколі не сядзіць на месцы. Але як толькі я бяру ў рукі фотаапарат, яго як быццам падмянілі: адразу робіцца спакойным, любіць пазіраваць. Аднойчы мне захацелася зрабіць прыгожы здымак Давіда ў нацыяльным строі. Якраз кашулька з арнаментам у нас была, набылі яе даўно, навыраст, яшчэ калі чакалі сына. Мы з гэтым здымкам ужо перамаглі ў рэспубліканскім конкурсе «Селфі&фота ў вышыванцы». Вышыванка — гэта крута і прыгожа. Шкада, што нармальнага адзення з арнаментам у нас у Жлобіне не знайсці. Я і сам бы апранаў з задавальненнем».


Шаноўныя мамы і таты, бабулі і дзядулі! Шчыра запрашаем вас прыняць удзел у конкурсе «Беларусікі». Дасылайце здымкі вашых дачушак і сыночкаў, унучкаў і ўнучачак, а мо нават і праўнукаў (з невялічкім, 4-5 сказаў, аповедам пра фота) на адрас «Звязды». Але адна ўмова — каб, зірнуўшы на фота, адразу ж было зразумела, што гэта «беларусік». Арыгінальнасць і творчы падыход вітаецца! Аднаго з беларусікаў, якога мы ўбачым на здымках, чакае прыз.

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.