Вы тут

Як БРСМ удзельнічае ў парламенцкіх выбарах


Сёння завяршаецца рэгістрацыя кандыдатаў у дэпутаты. Беларускі рэспубліканскі саюз моладзі ўжо падводзіць вынікі па назіранні за гэтым этапам выбараў у парламент. Цяпер у краіне акрэдытавана больш за 800 назіральнікаў ад БРСМ. Чым можа зацікавіць юнакоў і дзяўчат палітыка, расказаў другі сакратар ЦК БРСМ Сяргей КЛІШЭВІЧ.


— У нас ёсць падрыхтаваныя людзі, якія ўжо актыўна ўключыліся ў работу. У склад участковых выбарчых камісій увайшло 3490 прадстаўнікоў БРСМ. У 90 са 110 акруговых камісій і ў 6 з 7 тэрытарыяльных камісій працуюць прадстаўнікі нашай маладзёжнай арганізацыі.

Для таго, каб моладзь актыўней уключалася ў выбарчы працэс, БРСМ запусціў праект «Адкрыты дыялог». Гэта магчымасць для кандыдатаў сумесна са сваімі выбаршчыкамі абмяркоўваць праблемныя пытанні. У «Адкрытым дыялогу» можа паўдзельнічаць кожны, быць бліжэй да сваёй аўдыторыі дапамагаюць сучасныя тэхналогіі.

— Мы плануем трансляваць пэўную частку нашых «Адкрытых дыялогаў» у мабільны дадатак «Перыскоп», — расказвае Сяргей Клішэвіч. — У ім назіраць за абмеркаваннямі змогуць не толькі тыя людзі, якія непасрэдна прысутнічаюць у памяшканні, але і карыстальнікі інтэрнэт-сетак. А для таго, каб ужывую паўдзельнічаць у «круглым стале», трэба звярнуцца ў раённы камітэт БРСМ. «Адкрытыя дыялогі» пройдуць у кожным рэгіёне нашай краіны. Гэта ў тым ліку дапамагае нашай моладзі вызначыцца, каму аддаць свой голас. Для кандыдатаў — добрая магчымасць паўдзельнічаць у прамых стасунках, нефармальных зносінах з грамадзянамі.

З 12 жніўня пачнецца агітацыйны этап гонкі кандыдатаў. Саюз моладзі традыцыйна прымае ўдзел і ў гэтым працэсе. Другі сакратар ЦК БРСМ расказаў, як прыцягнуць моладзь да актыўнага ўдзелу ў палітычным жыцці краіны.

— Мы будзем інфармаваць грамадзян пра выбары. З пятніцы па ўсёй краіне будуць праходзіць агітацыйныя пікеты. Іх мы пастараемся арганізаваць для моладзі крэатыўнымі, з творчымі пляцоўкамі. Свая «фішка» будзе ў кожным раёне, у кожным горадзе.

Надзея АНІСОВІЧ

anisovich@zviazda.by

Загаловак у газеце: Моладзь ідзе ў палітыку

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.