Вы тут

У Лагойскім раёне перавярнулася лодка


Было каля дзевяці гадзін вечара, калі ў МНС ад відавочцы паступіла паведамленне, што на возеры каля вёскі Завішына тонуць людзі. З яго слоў вынікала, што перавярнулася лодка, у якой знаходзіліся тры чалавекі: мужчына, хлопчык і дзяўчынка.


Да прыбыцця ратавальнікаў мясцовыя жыхары вынялі з вады і даставілі на бераг мужчыну, пенсіянера, які не падаваў прыкмет жыцця. Пазней фельчарам хуткай медыцынскай дапамогі была канстатавана яго смерць.

Работнікі МНС з выкарыстаннем спецыяльных сродкаў выратавалі хлопчыка 2007 года нараджэння, які знаходзіўся каля перавернутай лодкі на адлегласці 30 метраў ад берага. Пасля медыцынскага агляду дзіця дастаўлена па месцы жыхарства, яно не пацярпела, у шпіталізацыі патрэбы не было.

На адлегласці 25 метраў ад берага, дзе глыбіня складала 2,5 метра, ратавальнікі выявілі цела патанулай дзяўчынкі 2004 года нараджэння.

Як паведамілі ў Мінскім абласным упраўленні МНС, дакладную карціну таго, што адбылося, яшчэ трэба будзе высветліць, аднак, згодна з папярэдняй інфармацыяй, мужчына запрасіў дваіх суседскіх дзяцей пакатацца на драўлянай вёсельнай лодцы. Плаўсродак перавярнуўся, і дзяўчынка пачала тануць. Дарослы паспрабаваў яе выратаваць, і абодва сышлі пад ваду. Хлопчык застаўся на паверхні вады і трымаўся за перавернутую лодку.

Ратавальнікі МНС і АСВОДА нагадваюць: у лодцы або любым іншым маламерным судне неабходна быць у зашпіленай выратавальнай камізэльцы, якая зводзіць да мінімуму верагоднасць трагічнага зыходу ў выпадку перакульвання.

Сяргей РАСОЛЬКА

rs@zviazda.by

Загаловак у газеце: Здарэнне на возеры

Выбар рэдакцыі

Грамадства

Асваенне адчужэння. Што паглядзець падчас экскурсіі ў радыяцыйнай зоне?

Асваенне адчужэння. Што паглядзець падчас экскурсіі ў радыяцыйнай зоне?

Ці небяспечныя такія «вылазкі» і колькі яны каштуюць?

Грамадства

Мітрапаліт Павел: Я ўдзячны, што Гасподзь павёў мяне па гэтым шляху

Мітрапаліт Павел: Я ўдзячны, што Гасподзь павёў мяне па гэтым шляху

Уладыка расказаў, чаму з асцярогай упершыню ехаў у Мінск у якасці мітрапаліта.

Калейдаскоп

Вясёлыя гісторыі чытачоў

Вясёлыя гісторыі чытачоў

Добрая жонка і дома рай, а благая — хоць цягу дай

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.