Вы тут

Пушчанскі зубр кіруецца ва Украіну?


У Кобрынскім раёне ўжо два тыдні блукае адзінокі зубр. Яго бачылі на тэрыторыі гаспадарак «Астромічы», «Стрыгава», «Гарадзец-Агра». Начуе звер, як правіла, у лесе, а днём выходзіць пахарчавацца, а таксама падыходзіць блізка да статкаў кароў.


Паводле апошняй інфармацыі, зубр рухаецца на поўдзень. У мінулыя выхадныя ляснога волата каля вёскі Павіцце бачыла землеўпарадкавальнік Дзівінскага сельвыканкама Святлана ТРУБЧЫК.

— Я стаяла за дваццаць метраў ад яго, фатаграфавала на сваю камеру, — расказала Святлана Іванаўна. — Мае аднавяскоўцы выказвалі асцярогу, што звер можа быць шалёны. Але яго паводзіны кажуць пра адваротнае. Ён стаяў і спакойна еў салому, якую нядаўна сабралі ў рулонны цюк. Потым павярнуўся і пайшоў у бок лесу. Расказваюць, што ў іншых мясцовасцях зубр прычыніў шкоду, напрыклад, парваў электрапастух. У нас ён нічога дрэннага не зрабіў. І людзі назіраюць за ім як за экзатычнай жывёлай. А днём раней яго бачылі ў Лелікаве, гэта ўжо на самай мяжы з Украінай. Магчыма, зубр сабраўся туды.

Намеснік начальніка Брэсцкай абласной інспекцыі аховы жывёльнага і расліннага свету Сяргей ШТЫК сказаў, што не варта падыходзіць да зубра на адлегласць 20 метраў. Лепей усё ж не спакушацца на цікавае сэлфі, а адагнаць звера моцнымі гукамі, падыдзе сігнал аўтамабіля. Гэта дзікі звер, нельга прадбачыць, што яму прыйдзе ў галаву. У зубра, па ўсёй верагоднасці, гон — ён блукае ў пошуках новага месца жыхарства. Вядома, што пушча перанаселеная зубрамі. І некаторыя асобіны сыходзяць у іншыя мясцовасці.

Святлана ЯСКЕВІЧ

yackevіch@zvіazda.by

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.