28 верасня, панядзелак

Вы тут

Нацыянальны аэрапорт Мінск абслужыў двухмільённага пасажыра


Нацыянальны аэрапорт Мінск абслужыў свайго двухмільённага пасажыра сёлетняга года. Юбілейным стаў пасажыр, які адлятаў авіярэйсам кампаніі «Люфтганза» па маршруце Мінск — Франкфурт.


Летась аэрапорт сустракаў свайго двухмільённага пасажыра 13 верасня, у гэтым годзе такі быў абслужаны на 31 дзень раней. За студзень—сярэдзіну жніўня ў параўнанні з аналагічным перыядам 2015 года Нацыянальны аэрапорт Мінск абслужыў на 350 тысяч пасажыраў больш. Кіраўніцтва аэрапорта спадзяецца, што падобная станоўчая дынаміка захаваецца і надалей, і да канца года будуць абслужаны звыш 3,3 мільёна чалавек.

РУП «Нацыянальны аэрапорт Мінск» — першы міжнародны аэрапорт Беларусі, сертыфікаваны ў адпаведнасці з міжнародным стандартам ІSO 9001 комплексна па ўсіх напрамках дзейнасці. Тут базіруецца авіякампанія «Белавія», а таксама грузавыя авіяперавозчыкі «Трансавіяэкспарт», «Рубістар» і «Генекс». Палёты са сталічнага аэрапорта выконваюцца больш як па 40 міжнародных кірунках Еўропы, Блізкага Усходу і іншых рэгіёнаў.

Сяргей РАСОЛЬКА

rs@zviazda.by

Загаловак у газеце: Ёсць двухмільённы авіяпасажыр!

Выбар рэдакцыі

Рэлігія

Адноўлены Тураўскі крыж паказалі ў Мінску

Адноўлены Тураўскі крыж паказалі ў Мінску

Вячэрняе набажэнства у саборы прайшло, авеянае дарагімі для ўсіх сімваламі вяртання і адраджэння духоўных традыцый.  

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.