Вы тут

Боінг "Белавія" ў новай ліўрэі здзейсніў першы камерцыйны рэйс


Сёння авіялайнер Boeing 737-800, які прыбыў з завода-вытворцы ў новай ліўрэі, здзейсніў першы камерцыйны рэйс, які першапачаткова быў запланаваны на 20 жніўня, але мытныя працэдуры былі завершаны хутчэй чаканых тэрмінаў.


Новы Boeing 737-800 у васільковай ліўрэі авіякампаніі "Белавія" адправіўся ў свой першы палёт па маршруце Мінск Масква Мінск, паведаміла спецыяліст па сувязях з грамадскасцю Вольга Шчуко. Выбар напрамку для здзяйснення першага камерцыйнага рэйса залежаў як ад гатоўнасці самалёта да выканання рэгулярных рэйсаў, так і ад атрыманых дазволаў ад авіяцыйных уладаў. Міжнародны аэрапорт "Дамадзедава" адзін з першых аэрапортаў, які дазволіў "Белавія" выканаць палёт на новым паветраным судне. Акрамя гэтага сёння ўвечары на дадзеным паветраным судне плануецца выкананне рэйса ў Астану.

Нагадаем, у новых Boeing 737-800 устаноўлены сучасныя пасажырскія салоны Boeing Sky Interior, дызайн і функцыянальнасць якіх прадугледжвае павялічанае месца для ручной паклажы і большая прастора для кожнага пасажыра. Акрамя гэтага ў новых самалётах устаноўлена зменлівае асвятленне, дзякуючы чаму пасажыры лягчэй пераносяць змену гадзінных паясоў.

У бліжэйшы час новае паветранае судна будзе выкарыстоўвацца па такіх кірунках як Масква, Астана і Адэса.

15 жніўня ў Нацыянальным аэрапорце "Мінск" прызямліўся першы Boeing 737-800, які прыбыў з завода-вытворцы (г. Сіэтл, ЗША) у новай ліўрэі "Белавія". Гэта паветранае судна было набыта авіякампаніяй ва ўласнасць за кошт сродкаў, атрыманых ад Банка развіцця. Да канца бягучага года намечана пастаўка яшчэ двух новых аналагічных паветраных судоў, набытых у карпарацыі "Боінг" Грамадзянскія самалёты.

Сяргей РАСОЛЬКА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.