Вы тут

У выхадныя зноў прыпячэ да плюс 30 градусаў і нават мацней


Паводле інфармацыі начальніка службы гідраметэаралагічных прагнозаў Рэспубліканскага гідраметцэнтра Мінпрыроды Дзмітрыя Рабава, сярэдняя тэмпература паветра на гэтым тыдні чакаецца на 5 градусаў вышэй за кліматычную норму.


На старце гэтага тыдня ў Беларусі будзе гаспадарыць зона высокага атмасфернага ціску, на фоне якога будуць праходзіць атмасферныя франты. У сераду месцамі прагназуюцца кароткачасовыя дажджы. Уначы — 10—16 цяпла, а ўдзень — ад плюс 20 да плюс 26 градусаў. Сапраўды летняя спякота завітае да нас разам з зонай высокага атмасфернага ціску з боку Заходняй Еўропы ў чацвер. Усталюецца сухое надвор'е. У ноч на чацвер будзе 8—13 цяпла, а ўдзень — плюс 21—27 градусаў. У пятніцу — 23—28 градусаў.

У выхадныя на тэрыторыі краіны будзе гаспадарыць цэнтр магутнага антыцыклону. Ападкаў не будзе, але ўначы і раніцай у асобных раёнах магчымы слабы туман. Мінімальная тэмпература паветра ўначы павялічыцца да 10—17 цяпла, удзень будзе плюс 24—29 градусаў, а па поўдні краіны пачне прыпякаць да 30—32 цяпла.

Сяргей КУРКАЧ

kurkасh@zvіаzdа.bу

Загаловак у газеце: Удзень — цёпла, а ўначы — туман

Выбар рэдакцыі

Грамадства

На Пастаўшчыне адбыўся інклюзіўны фестываль

На Пастаўшчыне адбыўся інклюзіўны фестываль

Для дзяцей з абмежаванымі магчымасцямі «Асаблівыя, як усе». 

Культура

Алесь Бадак: ...Уся палітра беларускай літаратуры

Алесь Бадак: ...Уся палітра беларускай літаратуры

Мы сустрэліся з дырэктарам выдавецтва «Мастацкая літаратура» Алесем БАДАКОМ, каб пагаварыць пра найбліжэйшыя і, магчыма, больш далёкія перспектывы.