Беларуская каманда заваявала дзве «бронзы» на XІІІ Міжнароднай геаграфічнай алімпіядзе ў Пекіне.
Спаборніцтвы праводзяцца пад патранажам Міжнароднага геаграфічнага саюза, пачынаючы з 1996 года, і з'яўляюцца важнай часткай працы па папулярызацыі навукі аб навакольным асяроддзі. Да 2012 года алімпіяда арганізоўвалася раз на два гады, а цяпер юныя географы збіраюцца штогод. У алімпіядзе ўдзельнічаюць школьнікі ва ўзросце ад 16 да 19 гадоў — пераможцы аналагічных нацыянальных спаборніцтваў. У рамках алімпіяды прадугледжаны тры асноўныя спаборніцкія этапы — тэарэтычны, палявы і мультымедыйны. Афіцыйная мова ІgeoE англійская.
За сваю гісторыю алімпіяда праходзіла ў многіх краінах свету, сярод якіх Нідэрланды, Партугалія, Рэспубліка Карэя, ПАР, Аўстралія, Туніс, Кітай, Германія, Японія, Польшча, Расія. На апошнім міжнародным першынстве ў Кітаі два бронзавыя медалі прынеслі ў скарбонку беларускай школы выпускнік СШ №18 г. Баранавічы Міхаіл Стрэмаус і выпускнік сталічнай гімназіі №22 Арцём Зубрыцкі.
Надзея НІКАЛАЕВА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».