Вы тут

Недабору збожжа не будзе, нягледзячы на неспрыяльныя ўмовы


Па словах намесніка міністра сельскай гаспадаркі і харчавання Уладзіміра Гракуна, у краіне сёлета плануецца сабраць каля 8,8 млн тон збожжа ва ўсіх катэгорыях гаспадарак з улікам кукурузы. Цяпер ужо намалочана больш за 6,7 млн тон збожжавых і зернебабовых культур. Засталося ўбраць яшчэ 131 тысячу га, з якіх 92 тысячы прыпадае на Віцебскую вобласць. Уборка зацягваецца з-за неспрыяльных умоў надвор'я.


Цяпер на складах краіны захоўваецца больш за 1 млн тон збожжа з мінулага года. Гэта павінна перакрыць той недахоп, які склаўся сёлета — прыкладна крыху больш за 0,5 млн тон. Таксама плануецца намалаціць у 5,5 раза больш кукурузы на зерне. Яе ўбяруць з плошчы ў 180 тысяч га і намалоцяць 1,2-1,25 млн тон. Гэта таксама пакрые недабор ад збожжавых. У паўднёвых раёнах краіны ўборка кукурузы на насенне ўжо пачалася. Уладзімір Гракун паведаміў, што зараз здадзена каля 90% збожжа па дзяржзаказе.

Гаворачы аб сярэдняй ураджайнасці па краіне, намеснік міністра адзначыў, што сёлета яна складае 33,7 ц/га, што менш за леташні паказчык. Але пры гэтым шэсць раёнаў краіны, сярод якіх Гродзенскі, Бераставіцкі, Шклоўскі, змаглі атрымаць ураджайнасць больш за 50 ц/га. Яшчэ ў дзесяці ўраджайнасць склала больш за 40 ц/га, а ў 52 раёнах яна перавысіла 30 ц/га.

Таксама, паводле яго слоў, сёлета плануецца сабраць больш за 500 тон кавуноў. Закранаючы тэму гародніны, намеснік міністра адзначыў, што ў апошнія гады яе вырошчваннем актыўна займаюцца не толькі сельгасарганізацыі, але і фермерскія гаспадаркі. У Беларусі цяпер 16,5 тысячы га пад агародніннымі культурамі, з іх толькі 8 тысяч га — у сельгасарганізацый. Пры гэтым ужо ёсць насенне айчыннай селекцыі, якое фермеры бяруць усё больш ахвотна. Актыўна ідзе і закладка садоў.

Ілья КРЫЖЭВІЧ

kryzhevіch@zvіazda.by

Загаловак у газеце: Недабору не будзе

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.