Вы тут

Захопнік банка ў цэнтры Масквы здаўся ўладам


Мужчына, які захапіў аддзяленне Сіцібанка на Вялікай Нікіцкай вуліцы ў Маскве, адпусціў усіх закладнікаў і здаўся ўладам, паведамляюць інфармагенцтвы са спасылкай на Маскоўскае ўпраўленне МУС.


Фота ВВС

Усяго мужчына ўзяў у закладнікі чатырох чалавек. Падчас перамоваў з паліцыяй ён адпусціў двух супрацоўніц банка, а затым яшчэ аднаго чалавека. Цяпер, як паведамляюць агенцтвы, будынак банка пакінуў апошні закладнік.

"Затрыманага захопніка банка ў цэнтры Масквы вязуць у тэрытарыяльнае аддзяленне СК для правядзення неабходных следчых дзеянняў", - паведаміла Інтэрфаксу афіцыйны прадстаўнік сталічнага глаўка Следчага камітэта Юлія Іванова.

Крыніцы інфармагенцтваў паведамляюць, што скрынка на грудзях мужчыны, якую ён сам называў выбуховай прыладай, аказалася скрыняй з соллю. Афіцыйна гэта не пацверджана.

Агенцтва ТАСС адзначае, што адным з закладнікаў аказаўся намеснік галоўнага рэдактара агенцтва Глеб Бранскі. "Захопнік выглядаў не як жорсткі злачынец, а як чалавек у роспачы. Ён вельмі нерваваўся, пастаянна прасіў прабачэння, шмат курыў", - сказаў ён.

Аб захопе аддзялення Сіцібанка на Вялікай Нікіцкай вуліцы ў Маскве стала вядома ў сераду ўвечары. Мужчына ўвайшоў у аддзяленне і заявіў, што ў скрынцы на яго грудзях знаходзіцца бомба.

Мужчына патрабаваў "прызнаць на дзяржаўным узроўні банкруцтва фізічных асоб і юрыдычных асоб хваробай", а таксама стварыць новы інстытут для вырашэння гэтых праблем. Пасля высветлілася, што захопнік - збанкрутаваны прадпрымальнік Арам Петрасян.

На месца здарэння сцягнулі спецназ і паліцыю. Перамовы з захопнікам праводзіў асабіста начальнік маскоўскага глаўка МУС Анатоль Якунін.

Па факце захопу закладнікаў была ўзбуджаная крымінальная справа па 206-м артыкуле крымінальнага кодэксу. Другая частка гэтага артыкула (захоп двух і больш асоб) прадугледжвае ад 6 да 15 гадоў пазбаўлення волі.

ВВС

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.