25 Люты, субота

Вы тут

У Навагрудку можна пажыць у нумары, у якім спыняўся Уладзімір Высоцкі


Легендарны спявак і акцёр наведваў Навагрудчыну ў 1969 годзе, падчас здымак фільма па раманах Алеся Адамовіча «Вайна пад стрэхамі» і «Сыны ідуць у бой». Ён спыняўся ў мясцовым гатэлі ў нумары 320 (цяпер гэта нумар 322). Зусім нядаўна гэтыя пакоі адкрыліся як тэматычныя, прысвечаныя спеваку.


— Уладзімір Высоцкі — вядомая асоба, таму вырашана было зрабіць у гатэлі яго пакой, — адзначае дырэктар дома-музея Адама Міцкевіча Мікалай Гайба, які ўдзельнічаў ва ўрачыстым адкрыцці. — На той час гэта быў адзіны нумар люкс у гатэлі, на два пакоі. Цяпер у спальні размяшчаюцца фотаздымкі з партрэтамі Высоцкага, а ў першым пакоі на сцяне зроблены фотакалаж з яго выявамі ў розных ролях, фрагментамі яго розных вершаў.

У пакоі стаіць ранейшы тэлефонны апарат і прайгравальнік пласцінак. У колішнім выглядзе захаваўся і санвузел — тая самая блакітная, прадаўгаватая плітка ляжыць на падлозе. Усё вытрымана ў стылістыцы 1970-х гадоў.

«Людзі на Навагрудчыне захоўваюць выразкі з газет, прысвечаныя Высоцкаму, яго фотаздымкі з Марынай Уладзі, якая таксама прыязджала на нашу зямлю, — адзначае спадар Мікалай. — Значыць, у іх ёсць сапраўдная цікавасць да гэтага творцы».

Пра вялікую сімпатыю Мікалая Гайбы да творчай асобы акцёра і паэта асабліва сведчыць той факт, што ў 1983 годзе, будучы ў войску, ён уласнаручна на машынцы ў пяці экзэмплярах перадрукаваў кнігу Высоцкага «Нерв». Яна выйшла ў 1982 годзе ў маскоўскім выдавецтве «Современник» і на той час была рэдкасцю. Захоўвае яе ў сваёй калекцыі ён і па сённяшні дзень. Таксама ў спадара Мікалая маецца кніга перакладаў вершаў Высоцкага на беларускую мову, пра якую мала хто ведае.

Нумар Уладзіміра Высоцкага ў навагрудскім гатэлі не будзе проста мемарыяльным. У яго можна засяляцца. І ўжо знайшліся ахвотныя, якія жадаюць спецыяльна прыехаць, каб пажыць у такіх адмысловых пакоях. Пакуль што кошт на гэты нумар застаецца такім жа, як і на аналагічныя нумары.

Ніна ШЧАРБАЧЭВІЧ

nina@zviazda.by

Навагрудскі раён

Фота novgazeta.by

Загаловак у газеце: Паслухаць пласцінку і...

Дадаць каментар

Выбар рэдакцыі

Грамадства

Уступныя іспыты рэфармуюць?

Уступныя іспыты рэфармуюць?

А ў школах могуць увесці так званыя міністэрскія кантрольныя работы.

Грамадства

Як працуе жодзінскі Цэнтр патрыятычнага выхавання моладзі «Вектар»

Як працуе жодзінскі Цэнтр патрыятычнага выхавання моладзі «Вектар»

За 18 гадоў існавання праз Цэнтр патрыятычнага выхавання моладзі «Вектар», што ў Жодзіне, прайшло больш як тры тысячы падлеткаў.

Спорт

Вячаслаў Талкачоў: Калі б не аварыя — да 40 бегаў бы

Вячаслаў Талкачоў: Калі б не аварыя — да 40 бегаў бы

З яго пачыналася наша гісторыя ў біятлоне.

Грамадства

У чым маюць патрэбу людзі з інваліднасцю?

У чым маюць патрэбу людзі з інваліднасцю?

У студзені гэтага года праходзіла грамадскае абмеркаванне праекта Нацыянальнага плана дзеянняў па рэалізацыі Канвенцыі ААН аб правах інвалідаў.