Прэм'ер-міністр Расіі Дзмітрый Мядзведзеў падпісаў пастанову, якая адмяняе ўведзеную 1 снежня 2015 забарону на паветраныя чартарныя перавозкі паміж Расіяй і Турцыяй.
Аб адмене забароны было заяўлена яшчэ ў чэрвені, пасля таго як прэзідэнт Турцыі Рэджэп Таіп Эрдаган выказаў шкадаванне наконт таго, што ВПС Турцыі збілі расійскі бамбавік Су-24.
Гэты інцыдэнт абурыў расійскі ўрад, з прычыны чаго на Турцыю былі накладзеныя санкцыі.
Пасля спынення авіязносін паміж Расіяй і Турцыяй паток турыстаў з Расіі скараціўся на 95%.
Многія расійскія турфірмы, асноўны даход якіх складаў продаж пуцёвак у Турцыю, панеслі адчувальныя страты.
У 2015 годзе Турцыя была самым папулярным замежным напрамкам пляжнага адпачынку расіян. Там пабывала каля 3 млн турыстаў з Расіі.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
