Вы тут

Браты-браканьеры не ўцяклі


Каля апоўначы супрацоўнікам Асіповіцкай міжрайінспекцыі паступіла інфармацыя: на сельскагаспадарчым полі каля вёскі Заручэўе чуцён брэх сабак, там праводзіцца нелегальнае паляванне. Было вядома, што парушальнікі перамяшчаюцца на аўтамабілі «УАЗ». Затрымаць іх вырашылі на выездзе з угоддзяў.


— Нягледзячы на тое, што дзяржінспектар загадзя падаў кіроўцу сігнал спыніцца і быў у святлоадбівальнай камізэльцы, машына не знізіла хуткасць. Работнік паспеў пасвяціць у салон ліхтарыкам — у яго святле ён пазнаў двух братоў-паляўнічых, якія пражывалі ў райцэнтры. «УАЗ» накіраваўся ў бок Асіповіч, рэйдавая група — за ім, — расказала прэс-сакратар Дзяржінспекцыі Вольга Грамовіч. — На пад'ездзе да горада каля лесапаркавай зоны адзін з братоў выскачыў з машыны са стрэльбай і паспрабаваў схавацца ў кустах. За ім накіраваўся дзяржінспектар і неўзабаве затрымаў уцекача. Праз некалькі хвілін спыніўся і «УАЗ» — у яго скончылася паліва. У салоне аўтамабіля былі выяўлены падствольны ліхтар і чатыры паляўнічыя сабакі. У адносінах да братоў распачаты адміністрацыйны працэс за парушэнне правілаў палявання. Кіроўца адкажа яшчэ і за непадпарадкаванне службовай асобе.

Сяргей РАСОЛЬКА

rs@zviazda.by

Загаловак у газеце: Браты-браканьеры не ўцяклі...

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».