Вы тут

На фестывалі «Камяніца» згуляюць аўтэнтычнае вяселле


10 верасня ў Музеі народнай архітэктуру і побыту пройдзе 8-ты штогадовы фолк-фестываль «Камяніца». Яго ўжо традыцыйна з нецярпеннем чакаюць не толькі ўсе тыя, хто цікавіцца беларускай народнай культурай, але і ўласна музейшчыкі — грошы ад фэсту ідуць на рахункі музея, каб захаваць унікальную калекцыю ўзораў беларускай драўлянай архітэктуры XVІІІ—XX стагоддзяў.


Сёлета галоўныя героі музычнай праграмы — этна-трыа «Троіца» і вядомая спявачка з Расіі Іна Жаланная. Акрамя іх, слухачы сустрэнуцца з фолк-рокерамі Беларусі, Расіі і Украіны: Палінай Рэспублікай, гуртам «Re1іkt», ансамблем «Ветах», гуртамі «Тарута» і «Оле-Лукойе» ды іншымі.

Яшчэ адной адметнасцю «Камяніцы-2016», якую анансавалі арганізатары, стане поўная рэканструкцыя беларускага вясельнага абраду ў народным стылі. Адбудзецца яна ў межах прэзентацыі музычнага зборніка «Песні і найгрышы вяселля вёскі Лявонпаль і яе наваколляў у запісах Сяргея Панізніка 1968—1969 гадоў», матэрыял для якога быў запісаны ў Мёрскім раёне амаль паўстагоддзя таму. «Натуральна, што маладыя мусяць мець сур'ёзныя намеры — дзеля жарту такія рэчы рабіць не трэба, — перакананы кіраўнік праекта Сяргей Доўгушаў. — Мы ж, у сваю чаргу, пастараемся аднавіць атмасферу вясковага вяселля таго часу: будзем спяваць застольныя песні, навучым усіх ахвотных танчыць вальсы, польку, кракавяк, нават на стол паставім аўтэнтычныя прысмакі».

Квіткі на «Камяніцу-2016» абыдуцца дарослым у 10 рублёў, студэнтам — у 7, школьнікам — у 5, а для дашкольнікаў і гледачоў у поўных нацыянальных строях (уключаючы абутак і галаўны ўбор) уваход будзе свабодны.

Вікторыя ЦЕЛЯШУК

Загаловак у газеце: Спяваць, танчыць... ажаніцца!

Каментары

"для ....гледачоў у поўных нацыянальных строях (уключаючы абутак і галаўны ўбор) уваход будзе свабодны". Бацюхны. Мала таго, што тыя строі каштуюць больш за 1000 бр, дык яшчэ і абутак?!! Дзе ж яго ўзяць? Ну, добра, адзежу сама калі-некалі пашыю...

Выбар рэдакцыі

Грамадства

«Догляд займае не больш за хвіліну». Як правяраюць наведвальнікаў перад уваходам у фан-зону?

«Догляд займае не больш за хвіліну». Як правяраюць наведвальнікаў перад уваходам у фан-зону?

Пералік рэчаў, забароненых да праносу, змешчаны на ўваходзе ў кантрольна-прапускны пункт.

Эканоміка

Што мы купляем праз інтэрнэт, і чаму айчынны гандаль у сеціве прайграе

Што мы купляем праз інтэрнэт, і чаму айчынны гандаль у сеціве прайграе

Электронны гандаль у нашай краіне працягвае расці. 

Грамадства

Мінчанка трымае ў аднапакаёвай кватэры жывога пітона

Мінчанка трымае ў аднапакаёвай кватэры жывога пітона

У Машы Афанасій жыве каля года. Такі незвычайны падарунак ёй зрабіў сябар.