7—11 верасня ў Маскве пройдзе XXІX Маскоўская міжнародная кніжная выстаўка-кірмаш. Па традыцыі шырокі ўдзел у прадстаўнічай сустрэчы кнігавыдаўцоў і пісьменнікаў з чытачамі прыме і Беларусь.
Адным з цэнтральных мерапрыемстваў стане міжнародны «круглы стол» «Беларусь: літаратуры краін СНД». Размова літаратараў з Мінска, Масквы і іншых куткоў Садружнасці пойдзе пра прысутнасць беларускай літаратуры ў свеце і нацыянальных літаратур краін СНД у Беларусі. Удзел у размове прымуць дырэктар выдавецтва «Художественная литература» Георгій Прахін, галоўны рэдактар часопіса «Роман-газета» Юрый Казлоў, сакратар Саюза пісьменнікаў Расіі Валерый Казакоў, паэт Анатоль Усаў, расійскі літаратуразнаўца Казбек Султанаў, дырэктар выдавецтва «Мастацкая літаратура» Алесь Бадак, дырэктар выдавецтва «Беларуская Энцыклапедыя імя Петруся Броўкі» Уладзімір Андрыевіч, літаратары з Казахстана, Таджыкістана, Азербайджана, Арменіі і іншых краін.
Беларусам ёсць з чым трымаць творчую справаздачу. Апошнім часам выйшла цэлая серыя кніг паэтаў і празаікаў краін Садружнасці ў перакладзе на беларускую мову. А ў Таджыкістане, Казахстане, Азербайджане, Арменіі пабачылі свет кнігі беларускіх аўтараў.
Як падарунак да міжнароднага «круглага стала» ў Маскве — новае выданне кнігі «Францыск Скарына на мовах народаў свету».
Сяргей ШЫЧКО
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
