Вы тут

Вялікі тэатр оперы і балета адкрые новы сезон


Ужо заўтра Вялікі тэатр оперы і балета адкрые новы, 84-ты, сезон: 4 і 5 верасня адбудзецца прэм'ера адной з самых папулярных опер свету — «Вяселле Фігара» Вольфганга Амадэя Моцарта.


Увасобіў яе запрошаны рэжысёр маскоўскага Камернага музыкальнага тэатра імя Пакроўскага Міхаіл Кісляроў. Пастаноўка «Вяселле Фігара» прымеркавана да 260-годдзя з дня нараджэння Моцарта, у будучым сезоне тэатра оперы і балета гэта не адзіны праграмны пункт, звязаны з імем класіка.

Увогуле ў 84-м сезоне ў Вялікім адбудзецца шэсць прэм'ер, а таксама шэраг традыцыйных мерапрыемстваў — Мінскі міжнародны Калядны конкурс вакалістаў і Мінскі міжнародны Калядны оперны форум у снежні; Вялікі баль у ноч на стары Новы год (з 13 на 14 студзеня); міжнародны фестываль «Балетнае лета ў Вялікім» і выезд тэатра ў Нясвіж у чэрвені.

З канца верасня на сцэне тэатра можна будзе ўбачыць балет «Пахіта» кампазітара Людвіга Мінкуса і харэографа Марыуса Пеціпа. 1 снежня адбудзецца прэм'ера балета «Санеты» брытанскіх кампазітараў Пітэра Уорлака і Ральфа Воан-Уільямса. У новым прачытанні будзе ўвасоблена на сцэне опера «Тоска» Джакома Пучыні. Нарэшце чарговы зварот да Моцарта — опера «Чароўная флейта» — будзе пастаўлена еўрапейскім рэжысёрам, прэзідэнтам Дрэздэнскага опернага балю і дырэктарам міжнароднага конкурсу вакалістаў Competіzіone dell'Opera Ханам-Ёахімам Фраем. Падчас «Балетнага лета» адбудзецца прэм'ера балета «Ор і Ора» Міхаіла Крылова.

Ірэна КАЦЯЛОВІЧ

katsyalovіch@zvіazda.by

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.