Вы тут

Show must go on, Фрэдзі!


Сёння Фрэдзі Мэрк'юры споўнілася б 70 год.


Фрэдзі Мэрк'юры (сапраўднае імя Фарух Булсара) нарадзіўся 5 верасня 1946-га ў Каменным горадзе на далёкім Занзібары. Да таго ж імя Фарух у перакладзе гучыць як "шчаслівы". Ужо пачатак яго жыцця выглядае насамрэч як пралог казкі. Хаця да казкі было яшчэ вельмі далёка.

З 1964-га Фарух з сям'ёй перабраліся ў Вялікабрытанію. З грашыма было туга, таму хлопцу прыходзілася падпрацоўваць. Пасля мастацкі каледж Ілінг, які ён закончыў з дыпломам дызайнера графікі. А пасля была музыка (дарэчы, свой першы гурт ён арганізаваў яшчэ ў дванаццацігадовым узросце). З 1971-га адлічвае сваю гісторыю легендарны гурт Queen. Налета падчас запісу дэбютнага альбома Фрэддзі займеў свой вядомы творчы псеўданім Мэрк'юры (ад англійскага Меркурый, ртуць). Ён стаў аўтарам першай песні гурта, якая трапіла ў англійскія чарты, а таксама сярод іншай самай паспяховай кампазіцыі  "Bohemian Rhapsody".

Голас Фрэдзі меў некалькі ўнікальных характарыстык, сярод якіх высокая частата мадуляцыі, якая дазваляла спяваць высокачастотнае вібрата, спевы з абертонамі (сустракаецца ў тувінскіх гарлавых спевах). Мэрк'юры запісаў цудоўны альбом з іспанскай опернай спявачкай Мансэрат Кабалье (адзін з маіх самых любімых).

Ён сыйшоў ад нас чвэрць стагоддзя таму у лістападзе 1991-га. І, напэўна, цяпер пасміхаецца недзе з-пад аблокаў (ці можа нават з Меркурыя?), калі чуе, як гучаць яго песні. Бо "Show must go on!"   шоу павінна працягвацца. З днём нараджэння, Фрэддзі!

Мікалай ЛІТВІНАЎ

Выбар рэдакцыі

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.

Спорт

Баскетбаліст Бенджамін-Павел Дуду: У Гане мяне называлі белым

Баскетбаліст Бенджамін-Павел Дуду: У Гане мяне называлі белым

Мама Бена — беларуска, тата — ураджэнец Ганы.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.