«Падкажыце, калі ласка, што рабіць і чаго не рабіць пры абвастрэнні падагры?
Юрый Мікалаевіч, Гродзенская вобласць»
Тлумачыць участковы тэрапеўт 11-й гарадской паліклінікі г. Мінска Настасся ЖЫДЗІС:
— Боль у суставе, як правіла, пачынаецца ноччу і становіцца невыносным. Удзень можа быць нейкае паляпшэнне, але не варта думаць, што ўсё прайшло. Такія вострыя сімптомы могуць мучыць каля тыдня. Нават пры вытрымліванні рэкамендацый востры прыступ не пройдзе імгненна. Але гэта дазволіць скараціць час яго працягласці.
Галоўным чынам трэба вытрымліваць строгі пасцельны рэжым. Хворую канечнасць лепей трымаць на ўзвышэнні — падкласці пад яе падушку. Калі боль нясцерпны, можна прыкласці лёд, затым кампрэс з дымексідам. Прыём ежы варта істотна абмежаваць — можна ўжываць вадкія кашы і булёны з агародніны. Пры гэтым піць як мага больш шчолачных напояў, напрыклад адвар з аўса, кісель, малако, мінеральную ваду або проста ваду з дабаўленнем лімоннага соку. Лімонны сок растварае адкладанні мачавой кіслаты пры рэўматызме і падагры.
Часцей за ўсё падагра з'яўляецца ў тых месцах, дзе суставу была нанесена траўма. Таму беражыце такія месцы. Не насіце вузкі і нязручны абутак. У харчаванні аддавайце перавагу цэльным злакам, яйкам, агародніне, садавіне, нятлустым малочным прадуктам. Абмяжоўвайце мяса, рыбу, ікру, грыбы, бабовыя. Не ўжывайце наогул вэнджанага, марынадаў, анчоўсаў, квяцістай капусты, спаржы, шчаўя, шакаладу, алкаголю, асабліва піва. Наогул, курэнне і алкаголь перашкаджаюць вывядзенню мачавой кіслаты з арганізма, і яе крышталі актыўней адкладваюцца ў суставах. З вывядзеннем непатрэбных пурынаў выдатна спраўляюцца шчолачныя мінеральныя воды.
Каб звесці рызыку ўзнікнення новых прыступаў да мінімуму:
Таксама неабходна рэгулярна праходзіць медыцынскае абследаванне
Святлана БАРЫСЕНКА
Мерапрыемства праводзіцца на добраахвотнай аснове.
Не выявіць ні секунды абыякавасці.
