17 Жнівень, чацвер

Вы тут

Святлана Кабачэўская. Мой Кітай...


“Дзве пары рук сустрэліся, расчынілі дзверы асабліваму вялікаму камню --“Беларуска-кітайскаму індустрыяльнаму парку”.Нараджаецца адзін за адным цуд сярод людзей!”Гэтыя паэтычныя радкі на кітайскай мове прыйшлі на адрас міжнароднага радыё “Беларусь” з далёкага кітайскага пасёлка  правінцыі Шандун. Такімі натхнёнымі словамі іх аўтар Чжоу Фэй вітае конкурс эсэ , які быў аб’яўлены нашым міжнародным радыё сумесна з пасольствам Кітайскай народнай рэспублікі ў Мінску.

“Мэтай конкурсу  з’яўляецца прасоўванне ў сусветнай медыяпрасторы  беларуска-кітайскага стратэгічнага партнёрства , інфармаванне беларускай і сусветнай грамадскасці пра міжнародны праект”Эканамічны пояс Шоўкавага  шляху і індустрыяльны парк “Вялікі камень”, папулярызацыя ведаў пра радыё “Беларусь" і краіну ў цэлым, развіццё цікаўнасці да Беларусі“ ,- адзначыў галоўны дырэктар радыё “Беларусь“ Навум Гальпяровіч.

На сённяшні дзень творы на конкурс прыслалі беларускія і кітайскія аўтары, якія жывуць і працуюць у нашай краіне або правінцыях Кітая , але і ў другіх краінах . Удзельнікі прысылаюць свае работы на беларускай , рускай і кітайскай мовах. Конкурс працягваецца да 1 студзеня 2017 года. Свае творы можна прысылаць на спецыяльны электронны  адрасsilkwayessay@gmail.com да 31 снежня 2016 года.


Для многіх Кітай – гэта легендарныя кіраўнікі Шунь і Яа, дынастыі Шан-Інь і Тан, Вялікая Кітайская раўніна і Тыбецкае нагор’е, хрыбет Уішань і рака Янцзы, Вялікая Кітайская сцяна і Забаронены горад, Маўзалей імператара Цынь Шыхуандзі і астэроід Жуйхуа, гмах «Нябесны Горад» і карпарацыя China Petroleum & Chemical Corporation, кітайскі фарфор і старажытны інструмент Цысяньцын, а таксама шматлікія дзіўныя рэчы. І, вядома, адны з самых значных адкрыццяў Кітая – папера, компас, порах і кнігадрукаванне.

Мой Кітай як адкрыццё – гэта амаль пяцьдзясят незвычайных маладых хлопцаў і дзяўчат, якія вучацца ў Беларускім дзяржаўным педагагічным універсітэце імя Максіма Танка. Лю Цзын і Чжан Ліньюань, Чжаа Тунба і Чжэн Цзіньюй, Го Цуй і Чжан Мідун, Ні Ша і Ян Бо, Сунь Юань і Е Цюн, Люй Нін і Ван Цыхэн, Дзін Цзэ і Хе Мін, Джаа Мін і Бай Хуа, Сяа Кайсянь і Бай Іцзюнь, Мі Сяа і Хэн Чуантаа, Лі Пейжон і многія іншыя з розных куткоў Кітая. Працавітыя і дапытлівыя, шчырыя і адкрытыя, яны заўсёды з тэлефонамі, больш падобнымі да мініяцюрных камп’ютараў, і карыстаюцца імі як перакладчыкам, дыктафонам, фотаапаратам, компасам. Лёгка і прафесійна. Заўсёды ўсміхаюцца падчас сустрэчы і злёгку нахіляюць галаву. І ты не можаш у адказ не ўсміхнуцца.

Яны з дзіўнай настойлівасцю спасцігаюць асновы рускай і беларускай моў, гісторыю музычнай культуры, методыку выкладання фізічнай культуры, прымаюць удзел ва ўсіх студэнцкіх мерапрыемствах, рэалізуюць крэатыўны праект «Кітайская шкатулка». У Цэнтры кітайскай мовы БДПУ яны сустракаюцца з першакласнікамі мінскіх школ і гімназій, распавядаюць ім пра законы адабрэння ў Кітаі і яшчэ пра многае іншае, чытаюць вершы на кітайскай і беларускай мовах, выконваюць музыку кітайскіх кампазітараў і слухаюць беларускую нацыянальную музыку, заўсёды імкнуцца да новых ведаў і пытаюцца, пытаюцца, пытаюцца...

Я думаю, што гэта адбываецца таму, што мае кітайскія студэнты ведаюць словы Канфуцыя: «Усё роўна, як павольна Вы ідзяце, да таго часу, пакуль Вы не спыніцеся».

Ніхто з маладых людзей не ведаў адзін аднаго да прыезду ў маю краіну, у горад Мінск. Але сёння гэта вялікая сям’я, што адкрывае свае сэрцы беларусам. Яны вучаць сваіх беларускіх сяброў чуць і гэтае павучанне Канфуцыя: «Высакародны муж думае пра дзевяць рэчаў: пра тое, каб бачыць выразна; пра тое, каб чуць дакладна; пра тое, каб яго твар быў ветлівым; пра тое, каб яго ўчынкі былі справядлівымі; пра тое, каб яго маўленне было шчырым; пра тое, каб яго дзеянні былі асцярожнымі; пра неабходнасць пытацца ў іншых, калі з’яўляюцца сумненні; пра неабходнасць памятаць аб наступствах свайго гневу; пра неабходнасць памятаць аб справядлівасці, калі ёсць магчымасць атрымаць карысць».

Мой Кітай – гэта і госці майго ўніверсітэта, з якімі мне пашчасціла пазнаёміцца. З кімсьці ў сценах універсітэта, з кімсьці ў зносінах па інтэрнэце. Нашымі сябрамі сталі педагогі з Шанхайскага педагагічнага і Паўночна-заходняга ўніверсітэтаў, Вэйнанскага і Чжан-Цзянскага педагагічных універсітэтаў, Юйлінскага ўніверсітэта і Універсітэта Джышу, Педагагічнага інстытута Дзяадзо і Шаньдунскага педагагічнага ўніверсітэта і іншых. Я перапісваюся са сваімі калегамі з Харбінскага ўніверсітэта і Другога Пекінскага ўніверсітэта замежных моў. І, чытаючы іх лісты, заўсёды адчуваю адначасова сур’ёзнасць і ўсмешку пры выкананні сваіх абавязацельстваў. Мабыць, таму, што яны прытрымліваюцца, як і я, запаведзі Канфуцыя: «Чым бы Вы ні займаліся ў жыцці, рабіце гэта ўсім сваім сэрцам». Гэта нас і аб’ядноўвае – Канфуцый, любоў да сваёй краіны, клопат пра студэнтаў, жаданне дапамагчы кожнаму з іх. Таму што яны проста дзеці, чыесьці дзеці, незалежна ад таго, колькі ім гадоў і якой яны нацыянальнасці.

Так што мой Кітай – тут, у Рэспубліцы Беларусь, у Беларускім дзяржаўным педагагічным універсітэце імя Максіма Танка.

І... у маім сэрцы... Назаўжды.

Дадаць каментар

Выбар рэдакцыі

Грамадства

Руху WоrldSkіlls Belarus патрабуецца ўласны брэнд

Руху WоrldSkіlls Belarus патрабуецца ўласны брэнд

У кастрычніку ў Абу-Дабі (ААЭ) пройдзе 44-ы чэмпіянат WоrldSkіlls Іntеrnаtіоnаl, у якім возьмуць удзел і беларусы. 

Грамадства

Як байцы з трох краін узводзяць новую спартыўную арэну

Як байцы з трох краін узводзяць новую спартыўную арэну

Сярод усіх маладзёжных будоўляў гэтага лета мінская гарадская — асаблівая. 

Калейдаскоп

Дзмітрый Літвіновіч: СhеrrуVаtа «абнулілася» і пачала новае жыццё

Дзмітрый Літвіновіч: СhеrrуVаtа «абнулілася» і пачала новае жыццё

Наколькі цяжка пачынаць прамаўляць уголас пасля доўгага маўчання, ці змяніліся ўмовы гульні на музычным рынку і ці прынялі хіпстары памкненні эксперыментатараў старога пакалення.

Грамадства

Унікальны заплыў «на чым папала» прайшоў на Аўгустоўскім канале

Унікальны заплыў «на чым папала» прайшоў на Аўгустоўскім канале

Гэта відовішча ўжо трэці год запар здзіўляе сваім нестандартным падыходам.