Вы тут

Двое мінчан сагналі аўтамабіль у 75-гадовага пенсіянера


Супрацоўнікі крымінальнага вышуку Фрунзенскага РУУС сталіцы затрымалі двух мінчан па падазрэнні ў здзяйсненні згону аўтамабіля ў 75-гадовага пенсіянера.


25-гадовыя хлопцы, будучы нападпітку і прагульваючыся па вуліцах горада, заўважылі на праспекце Пушкіна аўтамашыну «ВАЗ». Ускрыўшы замок, яны селі ў аўто і накіраваліся на ім у... Брэст на футбольны матч. Пасля праведзенага такім чынам вольнага часу ў абласным цэнтры прыяцелі вырашылі вярнуцца дадому. Па дарозе ў Мінск бензін у машыне скончыўся, а грошай на паліва ў хлопцаў не знайшлося, таму дабрацца яны змаглі толькі да Баранавіч. Маладым людзям за згон транспартнага сродку пагражае да сямі гадоў пазбаўлення волі. Дарэчы, адзін з затрыманых раней прыцягваўся да крымінальнай адказнасці за аналагічнае злачынства, а другі — за забойства і рабаванне.

Сяргей РАСОЛЬКА

Загаловак у газеце: На футбол... на скрадзенай машыне

Выбар рэдакцыі

Грамадства

Як у Беларусі трансплантуюць органы

Як у Беларусі трансплантуюць органы

І чаму да нас на аперацыі едуць замежнікі.

Грамадства

Карэспандэнты «Звязды» наведалі «Воўчыя норы»

Карэспандэнты «Звязды» наведалі «Воўчыя норы»

Там адбываюць пакаранне мужчыны, упершыню асуджаныя за незаконны абарот наркотыкаў.

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.