Вынас дэлегацыяй беларускіх спартсменаў сцяга Расіі на цырымоніі адкрыцця Параалімпійскіх гульняў у Рыа-дэ-Жанэйра з'яўляецца дзяржаўнай пазіцыяй. Аб гэтым БЕЛТА заявіла прэс-сакратар Прэзідэнта Беларусі Наталля Эйсмант.
Яна адзначыла, што вынас сцяга ў час цырымоніі адкрыцця — ініцыятыва беларускай дэлегацыі. «Тым не менш падкрэслю, што гэта пазіцыя дзяржаўная, у тым ліку пазіцыя Прэзідэнта краіны, прэзідэнта Нацыянальнага алімпійскага камітэта, — заявіла Наталля Эйсмант. — Людзі з абмежаванымі магчымасцямі вельмі інтэрнацыянальныя, думаю, не будзе перабольшаннем сказаць, што параалімпійцы — гэта адна вялікая сям'я, незалежна ад нацыянальнасці чалавека. Менавіта таму абсалютна зразумелы гэты жэст нашых спартсменаў, і мы ў гэтым пытанні з расіянамі салідарныя цалкам».
Прэс-сакратар таксама сказала, што ніводнага факта, які даказвае прымяненне допінгу расійскімі параалімпійцамі, прад'яўлена не было, «а людзі, для якіх спорт — гэта больш, чым спорт, гэта ўсё іх жыццё, былі ад Параалімпіяды адхілены». «Вось гэта наша дзяржаўная пазіцыя і пазіцыя Прэзідэнта нашай краіны», — заявіла Наталля Эйсмант.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».