Харчовая каштоўнасць алеяў вызначаецца наяўнасцю ў іх поліненасычаных тлустых кіслот (лінолевай і ліналенавай), неабходных нашаму арганізму для пабудовы клетак, сінтэзу гармонаў, падтрымкі імунітэту, устойлівасці і эластычнасці сасудаў, змяншэння адчувальнасці арганізма да дзеяння ўльтрафіялету і радыеактыўнага выпраменьвання, яшчэ яны рэгулююць скарачэнне гладкай мускулатуры і выконваюць шмат іншых важных функцый.
У нашай краіне папулярным стаў рапсавы алей, які пачалі актыўна вырабляць з айчыннай сыравіны.
Сёлета спецыялісты Навукова-практычнага цэнтра гігіены распрацавалі інструкцыю «Аптымізацыя тлушчакіслотнага складу рацыёнаў ва ўстановах дашкольнай адукацыі», у якой рэкамендаваная частковая замена сланечнікавага алею соевым і рапсавым.
Рапсавы алей з'яўляецца адным з найбольш ужываемых у свеце — разам са сланечнікавым і соевым. Каштоўнасць яго ў тым, што ён багаты на вітамін Е і поліненасычаныя тлустыя кіслоты, якія спрыяюць умацаванню сценак сасудаў і зніжэнню ўзроўню халестэрыну ў крыві. Доўгі час захоўвае празрыстасць і не набывае непрыемнага паху пад уздзеяннем паветра. Карысныя вартасці лепш за ўсё захоўваюцца ў шкляной тары, у цёмным халаднаватым месцы. Па ўжыванні рапсавы алей падобны на сланечнікавы, аліўкавы, соевы. Яго выкарыстоўваюць для запраўкі салатаў з агародніны, смажання мяса, рыбы, бульбы, гатавання марынаду, маянэзу і іншых соусаў.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
