“РобаФэст-Беларусь” будзе доўжыцца тры дні (з 16 па 18 верасня) і стане пляцоўкай, на якой удзельнікі змогуць пагутарыць з вядучымі сусветнымі экспертамі ў сферы робататэхнікі, інавацый і інфармацыйных тэхналогій, прадставіць свой вопыт; пазнаёміцца з апошнімі распрацоўкамі маладых навукоўцаў і прадпрымальнікаў Беларусі, паспяхова запусціць стартапы ў сферы робататэхнікі і інфармацыйных тэхналогій.
Арганізатарамі фестывалю "РобаФэст-Беларусь” выступаюць Міністэрства адукацыі Адукацыйны цэнтр ПВТ, Мінскі дзяржаўны палац дзяцей і моладзі і Рэспубліканскі цэнтр інавацыйнага і тэхнічнай творчасці.
У рамках фестывалю адбудуцца дзіцячы Робахакатон (у трох узроставых катэгорыях — да 12 гадоў, 13 — 14 гадоў і 15 — 17 гадоў), спаборніцтвы беспілотных лятальных апаратаў, Roborace, CodeWheels, "Роба Сумо" і спаборніцтвы па нейрапілатаванні,
Усе ахвотныя змогуць наведаць майстар-класы і паслухаць навукова-папулярныя лекцыі па робататэхнічнай творчасці. Таксама ўсе тры дні будуць працаваць інтэрактыўная выстава і адкрытыя пляцоўкі для тэхнамейкерства, на якіх дзецям будзе прапанавана сабраць робата ці дрона, змайстраваць робата з паперы і кардона, зрабіць і запусціць уласную ракету, правесці навуковы эксперымент, стварыць 3D-мадэль і раздрукаваць яе.
Усе асноўныя мерапрыемствы будуць праходзіць у Мінскім дзяржаўным Палацы дзяцей і моладзі (г.Мінск, Старавіленскі тракт, 41).
“Робафэст” дазволіць удзельнікам далучыцца да свету навукі і тэхнікі, атрымаць не толькі новыя веды аб перспектыўных кірунках тэхнічнай творчасці, але і мора станоўчых эмоцый.
Надзея НІКАЛАЕВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.