Вы тут

У Мінску пройдзе выстава «Часопісу сатыры і гумару «Вожык» — 75!»


14 верасня 2016 года ў 16 гадзін у мінскім Палацы мастацтва (вул. Казлова, 3) адбудзецца адкрыццё выставы «Часопісу сатыры і гумару «Вожык» — 75!»


Арганізатары мерапрыемства — Міністэрства інфармацыі Рэспублікі Беларусь, РВУ «Выдавецкі дом «Звязда», Саюз мастакоў Беларусі, часопіс сатыры і гумару «Вожык».

Штогод пры падтрымцы Міністэрства інфармацыі на розных пляцоўках горада ладзяцца выставы гумарыстычнага малюнка і карыкатуры: як персанальныя, так і калектыўна-тэматычныя. І ўсе яны самым цесным чынам звязаны з адзіным у рэспубліцы літаратурна-мастацкім выданнем у галіне сатыры і гумару — часопісам «Вожык». Так, аўтары персанальных выстаў (член Беларускага саюза мастакоў, заслужаны дзеяч мастацтваў БССР Сяргей Волкаў; член Беларускага саюза журналістаў, мастак-карыкатурыст часопіса «Вожык» Аляксандр Каршакевіч; член Беларускага саюза мастакоў, Беларускага саюза журналістаў, мастацкі рэдактар газеты «Рэспубліка» Мікалай Гіргель; вядомы беларускі мастак, сябра Саюза мастакоў Беларусі, аглядальнік і мастак газеты «СБ — Беларусь сегодня» Алег Карповіч) з’яўляюцца ў той жа час даўнімі сябрамі і пастаяннымі аўтарамі часопіса. У юбілейны для гумарыстычнага выдання год было вырашана арганізаваць экспазіцыю, якая пакажа і гісторыю, і сучаснасць часопіса праз карыкатуры яго аўтараў.

Наведвальнікі выставы змогуць азнаёміцца з першымі нумарамі знакамітага баявога выдання — агітплаката «Раздавім фашысцкую гадзіну», які пачаў выходзіць у 1941 годзе і пераемнікам якога стаў часопіс «Вожык». У афармленні агітплаката актыўны ўдзел прымалі беларускія мастакі-прафесіяналы З. Азгур, А. Шаўчэнка, Б. Звінагродскі, Д. Красільнікаў і таленавіты гомельскі малады мастак-самавучка В. Букаты, што загінуў у росквіце творчых сіл пры выкананні баявога задання. На старонках выдання важнае месца займала самая разнастайная па тэматыцы палітычная карыкатура. Гэта і вострыя малюнкі, якія высмейвалі звар’яцелага Адольфа Гітлера, і шматфігурныя сюжэтныя кампазіцыі аб гора-заваёўніках, і, вядома, сатырычны плакат, што звычайна выконваўся ў дзве-тры фарбы і змяшчаўся на галоўнай паласе.

Усё лепшае, што створана беларускімі мастакамі-карыкатурыстамі, прайшло праз «Вожык». За 75 гадоў свайго існавання часопіс быў і стартавай пляцоўкай для пачаткоўцаў, і ўдзячнай гумарыстычнай арэнай для прафесіяналаў. Таму асноўны змест экспазіцыі — карыкатуры, гумарыстычныя малюнкі, шаржы аўтараў часопіса розных гадоў і рознай тэматыкі. Будуць прадстаўлены творы такіх вядомых майстроў, як Алег Папоў, Аляксандр Каршакевіч, Сяргей Волкаў, Алег Гуцол, Пётр Козіч, Вікенцій Пузанкевіч, Павел Гарадцоў (Шычко), Анатоль Гармаза і інш. Многія з іх прымуць непасрэдны ўдзел у адкрыцці выставы, што адбудзецца 14 верасня ў Палацы мастацтваў (пачатак у 16 гадзін).

Кантактны тэлефон:

8-029-695-41-99 (Аляксандр Каршакевіч)

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.