Вы тут

На Гродзеншчыне ўшанавалі ўдзельнікаў Алімпійскіх гульняў у Рыа


Алімпійцы прайшлі праз «жывы калідор», які ўтварылі выхаванцы дзіцяча-юнацкіх спартыўных школ горада над Нёманам, а перад пачаткам урачыстай цырымоніі медалістаў чакаў сюрпрыз ад паштавікоў.


На працягу Алімпіяды ў Рыа-дэ-Жанэйра кожны жыхар Прынямоння мог адрасаваць сваё пасланне алімпійцам, і ў выніку сабралася больш як 9 тысяч пісьмаў, паштовак і тэлеграм, каробкі з якімі начальнік Гродзенскага філіяла «Белпошты» Іван ПРАТАСЕВІЧ уручыў кідальніку молата Івану ЦІХАНУ і барцу-вольніку Ібрагіму САІДАВУ.

Спартсменаў і трэнераў узнагародзілі ганаровымі граматамі і каштоўнымі падарункамі, у іх адрас гучалі словы віншаванняў і пажаданняў на будучыню, песні ў выкананні салістаў і творчых калектываў Гродзеншчыны. Акрамя прызёраў Алімпіяды, на сцэну падымаліся Віталь БУБНОВІЧ і Ілья ЧАРГЕЙКА (кулявая стральба), Алена ДУБІЦКАЯ (штурханне ядра), Ганна ДУДЗЯНКОВА (мастацкая гімнастыка), Асадула ЛАЧЫНАЎ (вольная барацьба) і іншыя спартсмены, трэнеры Жуматай ШУБАЕЎ (вольная барацьба), Рыгор СІНІЦЫН (штурханне ядра), Наталля ХАРЫТОНІК (кулявая стральба).

Віншуючы алімпійцаў і трэнераў, старшыня Гродзенскага аблвыканкама Уладзімір КРАЎЦОЎ адзначыў, што гэтая Алімпіяда стала для вобласці самай паспяховай з 2000 года. Заваяваны два медалі, пяцёра спартсменаў выйшлі ў фінал спаборніцтваў і занялі месцы з чацвёртага па восьмае. За чатыры гады, што папярэднічалі Алімпійскім гульням у Рыа-дэ-Жанэйра, гродзенцы 611 разоў станавіліся фіналістамі афіцыйных міжнародных спаборніцтваў, чэмпіянатаў, Кубкаў свету і Еўропы, заваявана 60 залатых медалёў.

— Будзем працягваць работу па развіцці масавага, дзіцяча-юнацкага спорту, стварэнні сучаснай базы для трэніровак і спаборніцтваў, каб вынікі нашых спартсменаў былі яшчэ лепшымі, — падкрэсліў Уладзімір Краўцоў. — У прыватнасці, у нас багатыя традыцыі ў кулявой стральбе і ёсць праграма па прывядзенні ў парадак ціраў. Чэмпіянат краіны, які нядаўна прайшоў у Гродне, паказаў, што ў нас нямала талентаў у лёгкай атлетыцы — для іх трэба будаваць новыя пляцоўкі. Іван Ціхан нас сур'ёзна падштурхнуў да гэтых крокаў.

Акрамя таго, прыкладуць намаганні па ўдасканаленні базы для заняткаў воднымі відамі спорту, у тым ліку з выкарыстаннем для трэніровак весляроў на байдарках і каноэ акваторыі вадасховішча Гродзенскай ГЭС на Нёмане. Цяпер распрацоўваецца генеральны план яго развіцця, улічваючы і стварэнне там спартыўных аб'ектаў.

Што тычыцца ідэі будаўніцтва ў Гродне палаца гульнявых відаў спорту, то перадпраектная падрыхтоўка праведзена, пляцоўка вызначана, зараз працуюць над крыніцамі фінансавання. А ўжо сёлета ў лесапарку Пышкі плануецца ўвесці крыты футбольны манеж. Гэта падарунак Беларускай федэрацыі футбола, а задача гродзенцаў выканаць усе работы хутка, якасна і з аптымальнымі затратамі.

Барыс ПРАКОПЧЫК

prakopchіk@zvіazda.by

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры у творчую майстэрню?

Як ператварыць звычайны ўрок беларускай літаратуры у творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.