Вы тут

Новы інтэрнат для маладых спецыялістаў адкрылі ў Навагрудку


Па словах намесніка старшыні Навагрудскага райвыканкама Святланы Каралько, для арганізацыі жылля маладым спецыялістам у райцэнтры быў рэканструяваны адзін са старых інтэрнатаў, які не выкарыстоўваўся больш за 10 гадоў.


Работы праведзены па ініцыятыве мясцовай улады, на рамонт і абсталяванне інтэрната затрачана больш як Br5 млрд (да дэнамінацыі). Аднапавярховы будынак цалкам абноўлены, прыбудавана новая кухня, у інтэрнаце блокавай сістэмы абсталявана асобная кухня, пральня, душавыя, закуплена мэбля ў кожны блок, добраўпарадкавана тэрыторыя.

Жыллё ў ім атрымалі больш за 30 маладых спецыялістаў з розных куткоў краіны, якія прыбылі на сваё першае месца працы ва ўстановы сацыяльнай сферы Навагрудскага раёна. «Пытанне жылля для маладых спецыялістаў з'яўляецца вельмі актуальным, паколькі штогод ёсць патрэба ў абнаўленні кадраў сацыяльнай сферы, да нас прыбываюць урачы, настаўнікі, работнікі культуры, а для маладога чалавека жыллё — самае галоўнае пытанне», — патлумачыла намеснік старшыні райвыканкама.

Дарэчы, усяго сёлета ў Навагрудскі раён прыбылі на першае месца працы 52 спецыялісты ў сферу адукацыі, 16 урачоў і 4 работнікі культурнай сферы.

Канстанцін ЛЮТКЕВІЧ

Загаловак у газеце: І работа будзе ладзіцца

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.