Кошт авіяпарку Паднябеснай перавысіць $1 трлн.

Кітай стане самым маштабным авіяцыйным рынкам.

Амерыканскі вытворца самалётаў "Боінг" выпусціў даклад, у якім прагназуецца, што ў бліжэйшыя 20 гадоў Кітаю спатрэбіцца 6810 новых самалётаў, іх агульны кошт дасягне 1,025 трлн. долараў, паведамляе "Жэньмінь жыбаа" анлайн". Гэта пераўтворыць Кітай у самы маштабны сусветны авіяцыйны рынак. 

Інфармацыйнае агенцтва Reuters працытавала словы віцэ-прэзідэнта па маркетынгу "Боінга" аб тым, што кітайскі сярэдні клас працягвае пашырацца, калі дадаць да гэтага новую візавую палітыку і розныя шырокафюзеляжныя  самалёты. "Цэлы шэраг прычын дазваляе нам з нецярпеннем чакаць светлай будучыні кітайскага рынку ў доўгатэрміновай перспектыве", --  заўважыў спецыяліст. 

Паведамляецца, што, нягледзячы на ​​занепакоенасць, праяўленую амерыканскімі кампаніямі з нагоды запаволення эканамічнага росту Кітая, "Боінг" па-ранейшаму зацікаўлены ў рынку Кітая. Reuters паведаміла, што "Боінг" і "Airbus" канкурыруюць за кітайскі рынак, у той жа час Кітай таксама развівае ўласныя магчымасці для вытворчасці самалётаў, плануе ў канцы года запусціць першы С919 кітайскай вытворчасці.