Удзень у суботу ў пажарную аварыйна-ратавальную часць №2 Глыбоцкага аддзела МНС паступіла паведамленне аб тым, што ва ўрочышчы Пушча-Галубіцкая, каля вёскі Шылагор'е, згубіліся трое — дзве жанчыны і мужчына. Раніцай яны адправіліся ў лес для збору грыбоў і заблукалі. Тэлефанавала з просьбай аб дапамозе адна з жанчын.
У пошукавых работах былі задзейнічаныя супрацоўнікі РАУС і МНС. Папятляўшы каля пяці гадзін у лесе, грыбнікі выйшлі на гукавы сігнал аўтацыстэрны МНС.
На наступны дзень паведамленне ратаўнікам аб жанчыне, што заблудзіла, паступіла таксама з Віцебскай вобласці — на гэты раз з Расонскага раёна. Амаль цэлы дзень правяла ў лесе жыхарка Расон, якая адправілася ў грыбы каля вёскі Фаміно. А дзявятай гадзіне вечара жанчына выйшла на гук сірэны аўтамабіля ратаўнікоў.
Паведамленне пра заблудную таксама паступала з Талачынскага раёна — пенсіянерка з вёскі Новае Сяло, паблукаўшы па лесе, самастойна выйшла з гушчару з надыходам цемры.
Ратаўнікі нагадваюць: будзьце асцярожныя падчас «ціхага палявання». Вывучыце карту мясцовасці, куды ідзяце. Збярыце мінімальны набор неабходных сродкаў, вазьміце з сабой зараджаны тэлефон.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.