28 верасня, панядзелак

Вы тут

Затрыманы мужчына, які вербаваў людзей для сельгасработ


У Брэсцкай вобласці затрыманы 33-гадовы жыхар г. Камянца, які вербаваў людзей для сельгасработ у Расійскай Федэрацыі, і яны фактычна траплялі ў рабства. Малады чалавек распаўсюджваў інфармацыю ў інтэрнэце аб магчымасці паехаць на збор ураджаю яблыкаў у Варонежскую вобласць, дзе, нібыта, абяцалі зарплату ў 300 долараў за месяц.


Акрамя таго, патэнцыйным працаўнікам палёў і садоў гаварылася пра добрыя ўмовы пражывання, кампенсацыі за праезд і харчаванне. Зламыснік размяшчаў свае аб'явы ў Камянцы, Кобрыне, іншых гарадах, дзе апошнім часам склалася асабліва напружаная сітуацыя з працаўладкаваннем і рабочымі месцамі. І хутка знаходзіў кліентаў.

Тое, што іх чакала на месцы «дыслакацыі», яны не маглі сабе ўявіць і ў кашмарным сне. Працавалі бясплатна, бытавыя ўмовы былі горшыя, чым нядбайны гаспадар стварае для скаціны, харчавацца даводзілася пратэрмінаванымі прадуктамі. Тых, хто спрабаваў уцячы, нярэдка даганялі і білі. Фактычна людзі трапілі ў рабства.

Першы сігнал адтуль паступіў на гарачую лінію брэсцкай грамадскай арганізацыі «Клуб дзелавых жанчын». Актывісткі звязаліся з міліцыяй. Як паведаміў начальнік аддзела інфармацыі і грамадскіх сувязяў Брэсцкага абласнога УУС Сяргей ДУЧЭНКА, менавіта пры садзейнічанні названай грамадскай структуры ўпраўленнем па наркакантролі і процідзеянні гандлю людзьмі УУС быў спынены канал вывазу грамадзян з нашай краіны ў суседнюю з мэтай іх працоўнай эксплуатацыі.

Праўда, зламыснік паспеў завербаваць і вывезці больш за 50 чалавек. Як аказалася, вярбоўшчык мае судзімасць. Свае незаконныя дзеянні ён ажыццяўляў з памочнікам, асоба якога ўстанаўліваецца.

Дзесяць чалавек з ліку пацярпелых ужо вярнуліся дадому. Нехта з іх здолеў уцячы, іншым працадаўца заплаціў акурат на зваротны білет. Месцазнаходжанне астатніх высвятляецца.

Святлана ЯСКЕВІЧ

yackevіch@zvіazda.by

Загаловак у газеце: Хацелі зарабіць, а трапілі ў рабства

Выбар рэдакцыі

Рэлігія

Адноўлены Тураўскі крыж паказалі ў Мінску

Адноўлены Тураўскі крыж паказалі ў Мінску

Вячэрняе набажэнства у саборы прайшло, авеянае дарагімі для ўсіх сімваламі вяртання і адраджэння духоўных традыцый.  

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.