Старшыня камiтэта будаўнiцтва i iнвестыцый Мiнгарвыканкама Дзмiтрый Гурыненка адзначыў, што заданне на 2016 год па ўводзе жылля складае 735 тыс. кв. м.
Паводле папярэдняй iнфармацыi, па вынiках 9 месяцаў у сталiцы можа быць здадзена 530—560 тыс. кв. м.
Гэта ўсяляе ўпэўненасць, што гадавое заданне будзе выканана ў поўным аб'ёме.
У 2017 годзе новыя жылыя дамы будуць узводзiцца ў раёне вулiц Мiхалова — Алiбегава, на месцы былой вёскi Сухарава, прадоўжыцца забудова ў Лошыцы-6 i Лошыцы-9, плануецца забудова ў Лошыцы-8 i Чыжоўцы (тут iдзе адсяленне жыльцоў). Будуць узведзены жылыя дамы i на тэрыторыi комплексу «Мiнск-Мiр». Цяпер там будуецца першы жылы аб'ект — «Дыядэма», у 2017 годзе пачнецца будаўнiцтва яшчэ 5 дамоў.
Чарговай пляцоўкай для жыллёвага будаўнiцтва стане ўчастак у межах вулiц Кабушкiна — Шышкiна (на месцы воiнскай часцi, якая вызвалiць частку тэрыторыi). У 2018 годзе УКБ Заводскага раёна плануе пачаць тут жыллёвае будаўнiцтва.
Сямён РЭМЕЗАЎ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.