Вы тут

«Камуналку» абяцаюць не павышаць


Аб гэтым учора паведаміў прэс-сакратар Міністэрства жыллёва-камунальнай гаспадаркі Генадзь Аксціловіч. У прыватнасці ён адзначыў, што цана ацяплення і ў гэты зімовы сезон будзе ў межах лічбаў, якія былі ў пачатку года.


Сваю ўпэўненасць у гэтым прадстаўнік ЖКГ патлумачыў тым, што, згодна з Указам кіраўніка дзяржавы №107, былі ўстаноўлены гранічныя тарыфы на ўсе асноўныя віды жыллёва-камунальных паслуг, таму кошт ацяплення змяняцца не будзе. «Сярэдняя выніковая лічба будзе ў межах тых паказчыкаў, якія грамадзяне атрымлівалі ў студзені і лютым», — адзначыў Генадзь Аксціловіч.

Паводле яго слоў, сёння ўзровень кампенсацыі насельніцтвам затрат на аказанне жыллёва-камунальных паслуг (ЖКП) складае 58%. Між іншым, перад міністэрствам была пастаўлена задача давесці гэты паказчык да 70% ужо ў наступным годзе. На падобны пасыл спадар Аксціловіч паведаміў, што цяпер павышэнне гэтага ўзроўню кампенсацыі адбываецца за кошт зніжэння выдаткаў арганізацый жыллёва-камунальнай гаспадаркі па аказанні ЖКП. «Ведамству даведзены па гэтым кірунку сапраўды сур'ёзныя заданні на бягучы год. Неабходна і надалей зніжаць выдаткі ў вытворчасці, ажыццяўляць аптымізацыю кадравай колькасці прадпрыемстваў за кошт мадэрнізацыі вытворчых працэсаў», — удакладніў пазіцыю кіраўніцтва міністэрства Генадзь Аксціловіч.

Сяргей КУРКАЧ

kurkасh@zvіаzdа.bу

Выбар рэдакцыі

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.

Грамадства

Першыя беларускія Соdе Сlub далучыліся да сусветнага руху

Першыя беларускія Соdе Сlub далучыліся да сусветнага руху

Як з дапамогай кода стварыць уласную анімацыю і «ажывіць» касмічны карабель? 

Грамадства

Як Віцебшчына развівае стасункі з Кітаем

Як Віцебшчына развівае стасункі з Кітаем

Наш карэспандэнт пастараўся згадаць самыя цікавыя прыклады сумеснай рэалізацыі праектаў.

Спорт

Анастасія Мірончык-Іванова: «Веру ў сябе і ў свае сілы»

Анастасія Мірончык-Іванова: «Веру ў сябе і ў свае сілы»

У спорце ёй двойчы прыходзілася пачынаць усё спачатку.