Пераможцы рэспубліканскага конкурсу прафмайстэрства «Педагог года ўстановы дадатковай адукацыі дзяцей і моладзі» вызначацца напярэдадні Дня настаўніка.
У фінале, які праходзіць гэтымі днямі ў рэспубліканскіх цэнтрах дадатковай адукацыі, удзельнічаюць 22 педагогі па мастацкім, фізкультурна-спартыўным, грамадска-гуманітарным, культурна-забаўляльным, тэхнічным, турысцка-краязнаўчым і экалагічным профілях з усёй краіны. Усіх канкурсантаў чакаюць самапрэзентацыя «Маё педагагічнае крэда», абарона адукацыйнага праекта, правядзенне адкрытых заняткаў у незнаёмай аўдыторыі, а таксама псіхолага-педагагічнае тэсціраванне. Лепшых плануецца вызначыць па ўсіх профільных кірунках. Намеснік міністра адукацыі Віктар Якжык запэўнівае, што напрацоўкі пераможцаў будуць укараняцца ў практыку аб'яднанняў па інтарэсах па ўсёй краіне. На сённяшні дзень у Беларусі дзейнічае больш як 300 устаноў дадатковай адукацыі дзяцей і моладзі. У мінулым навучальным годзе ў аб'яднаннях па інтарэсах былі занятыя больш як 390 тысяч дзяцей, падлеткаў і маладых людзей.
Надзея НІКАЛАЕВА
Мерапрыемства праводзіцца на добраахвотнай аснове.
Не выявіць ні секунды абыякавасці.
