Вы тут

Валанцёры руху БРСМ “Добрае Сэрца” акажуць дапамогу пажылым людзям


Напярэдадні Міжнароднага дня пажылых людзей, які адзначаецца штогод 1 кастрычніка, удзельнікі валанцёрскага руху БРСМ "Добрае Сэрца" арганізуюць ва ўсіх рэгіёнах краіны мерапрыемствы рэспубліканскай дабрачыннай акцыі “Мы выбіраем дапамогу пажылым людзям”.


Фота: novostipmr.com

30 верасня і 1 кастрычніка валанцёрскія атрады ГА “БРСМ” “Добрае Сэрца" арганізуюць і правядуць мерапрыемствы па аказанні дапамогі адзінокім і адзінока пражываючым грамадзянам пажылога ўзросту, ветэранам вайны і працы, асобам, якія пацярпелі ад наступстваў войнаў. Добраахвотнікі наведаюць грамадзян вышэйзгаданых катэгорый, дапамагаюць ім па гаспадарцы, добраўпарадкуюць прыдваравыя тэрыторыі, падораць святочны настрой у выглядзе канцэртных праграм і шчырых гутарак.

Акрамя таго будуць арганізаваны “гарачыя лініі” па месцы жыхарства для дастаўкі сельгаспрадукцыі.

Рэспубліканская дабрачынная акцыя “Мы выбіраем дапамогу пажылым людзям”, галоўная мэта якой -- забеспячэнне пераемнасці пакаленняў праз прыцягванне ўвагі моладзі да праблем пажылых людзей, -- будзе доўжыцца да 13 кастрычніка.

Плануецца, што ў рамках акцыі адбудзецца больш за 200 мерапрыемстваў па ўсёй краіне.

Сяргей РАСОЛЬКА

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.